BVSee

 ಬದಲಾವಣೆ ಹಾದಿಯಲ್ಲಿ ಭಾರತ   ಪ್ರಚಲಿತ * ಬಿವಿಸೀ ಭಾರತದಲ್ಲಿ ಪ್ರಸ್ತುತ ಕಂಡುಬರುತ್ತಿರುವ ಯುವಜನರ ಮತ್ತು ವಿದ್ಯಾರ್ಥಿಗಳ ವ್ಯಾಪಕ ಆಕ್ರೋಶವು ಕೇವಲ ಒಂದು ಪರೀಕ್ಷಾ ಪ್ರಶ್ನೆಪತ್ರಿಕೆ ಸೋರಿಕೆಯ ವಿರುದ್ಧದ ಕ್ಷಣಿಕ ಪ್ರತಿಭಟನೆಯಲ್ಲ; ಬದಲಿಗೆ ಅದು ದಶಕಗಳಿಂದ ಕಟ್ಟುತಂದ ಭರವಸೆಗಳು ನುಚ್ಚುನೂರಾದಾಗ ಸಿಡಿದುಬಿದ್ದ ಸಹಜ ಜನಾಕ್ರೋಶ. ಭ್ರಷ್ಟಾಚಾರರಹಿತ ಆಡಳಿತ, ಕೋಟ್ಯಂತರ ಉದ್ಯೋಗ ಸೃಷ್ಟಿ ಮತ್ತು ನವ ಭಾರತ ನಿರ್ಮಾಣದ ಬೃಹತ್ ಆಶಯದೊಂದಿಗೆ ಅಧಿಕಾರಕ್ಕೆ ಬಂದ ಆಡಳಿತಾರೂಢ ಬಿಜೆಪಿ ಸರ್ಕಾರಕ್ಕೆ, ಬೀದಿಗಿಳಿದು ಆಕ್ರೋಶ ವ್ಯಕ್ತಪಡಿಸುತ್ತಿರುವ ಈ ದೇಶದ ಯುವಶಕ್ತಿಯೇ ಈಗ ಅತಿದೊಡ್ಡ ಸವಾಲಾಗಿ ಪರಿಣಮಿಸಿದೆ. ಪರೀಕ್ಷಾ ಪ್ರಶ್ನೆಪತ್ರಿಕೆಗಳ ಸರಣಿ ಸೋರಿಕೆ ಮತ್ತು ಅದಕ್ಕೆ ಹೊಣೆ ಹೊರಬೇಕಾದ ಶಿಕ್ಷಣ ಸಚಿವರ ರಾಜೀನಾಮೆಗೆ ಆಗ್ರಹಿಸಿ ಆರಂಭವಾದ ಈ ಚಳವಳಿಯಲ್ಲಿ 15-16 ವರ್ಷದ ಶಾಲಾ ವಿದ್ಯಾರ್ಥಿನಿಯರು ಸಹ ಸಕ್ರಿಯವಾಗಿ ಭಾಗವಹಿಸುತ್ತಿರುವುದು ಆಡಳಿತ ಯಂತ್ರದ ಆಳವಾದ ನೈತಿಕ ಶೂನ್ಯತೆಯನ್ನು ಎತ್ತಿ ತೋರಿಸುತ್ತದೆ. ಭ್ರಷ್ಟಾಚಾರದ ವಿರುದ್ಧ ಹೋರಾಡುವ ಮಾತುಗಳನ್ನಾಡುತ್ತಲೇ, ಭ್ರಷ್ಟಾಚಾರದ ಆರೋಪ ಎದುರಿಸುತ್ತಿರುವ ನಾಯಕರನ್ನೇ ಪಕ್ಷಕ್ಕೆ ಸೇರಿಸಿಕೊಂಡು ಅವರನ್ನು `ಪವಿತ್ರಗೊಳಿಸುವ' ರಾಜಕೀಯ ತಂತ್ರಗಾರಿಕೆಯನ್ನು ಯುವಜನತೆ ಇಂದು ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ. ಆಡಳಿತದಲ್ಲಿ ಪ್ರದರ್ಶನಗೊಳ್ಳುತ್ತಿರುವ ಈ ದ್ವಿಮುಖ ಧೋರಣೆ ಮತ್ತು ಜವಾಬ್ದಾರಿ...

                                                                                       ಬಿ ನಾಗೇಂದ್ರ ಖುಲ್ಲಂಖುಲ್ಲಾ * ಬಿವಿಸೀ ಮಹರ್ಷಿ ವಾಲ್ಮೀಕಿ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ನಿಗಮದಲ್ಲಿ ನಡೆದ ನೂರಾರು ಕೋಟಿ ರೂಪಾಯಿಗಳ ಬೃಹತ್ ಭ್ರಷ್ಟಾಚಾರದ ಪ್ರಕರಣವು ಕರ್ನಾಟಕದ ಕಾಂಗ್ರೆಸ್ ಸರ್ಕಾರವನ್ನು ಸಂಪೂರ್ಣವಾಗಿ ಬೆತ್ತಲುಗೊಳಿಸಿದೆ. ಭ್ರಷ್ಟಾಚಾರದ ಗಂಭೀರ ಆರೋಪಗಳನ್ನು ಎದುರಿಸುತ್ತಿರುವ ಮತ್ತು ತನಿಖಾ ಸಂಸ್ಥೆಗಳ ಕಣ್ಣಿನಲ್ಲಿದ್ದ  ಬಿ ನಾಗೇಂದ್ರ ಅವರನ್ನು ಯಾವುದೇ ತನಿಖೆಯಿಂದ ಮುಕ್ತವಾಗುವ ಮುನ್ನವೇ ಮರಳಿ ಸಂಪುಟಕ್ಕೆ ಸೇರ್ಪಡೆಗೊಳಿಸಿಕೊಂಡ ನಿರ್ಧಾರವು ಪಕ್ಷದ ಪಾಲಿಗೆ ಸ್ವಯಂಕೃತ ಅಪರಾಧವಾಗಿ ಪರಿಣಮಿಸಿದೆ. ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ಕಲ್ಯಾಣಕ್ಕಾಗಿ ಮೀಸಲಿಟ್ಟ ಸಾರ್ವಜನಿಕ ಹಣವನ್ನು ನೆರೆ ರಾಜ್ಯದ ಚುನಾವಣಾ ವೆಚ್ಚಕ್ಕಾಗಿ ದುರ್ಬಳಕೆ ಮಾಡಿಕೊಳ್ಳಲಾಗಿದೆ ಎಂಬ ಗಂಭೀರ ಆರೋಪ ರಾಜ್ಯದ ಜನತೆಯಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಈ ಇಡೀ ಹಗರಣದ ಹಾದಿಯಲ್ಲಿ ಅಧಿಕಾರ ಮತ್ತ...

  * ಬಿವಿಸೀ ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಆತ್ಮಕಥನ ಪ್ರಕಟಣೆಗೆ ಸಂಬಂಧಿಸಿದಂತೆ ಉಂಟಾಗಿರುವ ವಿವಾದ ಇದೀಗ ರಾಜಕೀಯ ಮತ್ತು ಪ್ರಕಾಶನ ವಲಯದಲ್ಲಿ ಚರ್ಚೆಗೆ ಕಾರಣವಾಗಿದೆ. ಸೋನಿಯಾ ಗಾಂಧಿ ಅವರು ತಮ್ಮ ಪುಸ್ತಕದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲು ಒಪ್ಪದ ಹಿನ್ನೆಲೆಯಲ್ಲಿ ಪೆಂಗ್ವಿನ್ ಇಂಡಿಯಾ ಪುಸ್ತಕವನ್ನು ಪ್ರಕಟಿಸದಿರಲು ನಿರ್ಧರಿಸಿದೆ ಎಂಬ ವರದಿ ಹೊರಬಂದಿದೆ. ಸೋನಿಯಾ ಗಾಂಧಿ ಅವರ ಆತ್ಮಕಥನದಲ್ಲಿ ರಾಜಕೀಯವಾಗಿ ಸೂಕ್ಷ್ಮವಾದ ಹಲವು ವಿಷಯಗಳಿವೆ ಎನ್ನಲಾಗಿದೆ. ಪ್ರಧಾನಿ ನರೇಂದ್ರ ಮೋದಿ, ರಾಷ್ಟ್ರೀಯ ಸ್ವಯಂಸೇವಕ ಸಂಘ, ಭಾರತೀಯ ಜನತಾ ಪಕ್ಷ ಹಾಗೂ ಚೀನಾ ಗಡಿಯಲ್ಲಿ ನಡೆದ ಬೆಳವಣಿಗೆಗಳ ಕುರಿತ ಉಲ್ಲೇಖಗಳು ಪುಸ್ತಕದಲ್ಲಿವೆ ಎಂದು ವರದಿಯಾಗಿದೆ. ಮೋದಿ ಅವರನ್ನು ಸೋನಿಯಾ ಗಾಂಧಿ ಭೇಟಿಯಾದ ಸಂದರ್ಭಗಳು ಹಾಗೂ ದೇಶದ ಪ್ರಮುಖ ರಾಜಕೀಯ ಘಟನೆಗಳ ಕುರಿತ ಅವರ ವೈಯಕ್ತಿಕ ನೆನಪುಗಳೂ ಪುಸ್ತಕದಲ್ಲಿ ದಾಖಲಾಗಿವೆ ಎನ್ನಲಾಗಿದೆ. ಪ್ರಕಾಶಕರು ಕೆಲವು ಭಾಗಗಳಲ್ಲಿ ಬದಲಾವಣೆ ಅಥವಾ ತಿದ್ದುಪಡಿ ಮಾಡುವಂತೆ ಸಲಹೆ ನೀಡಿದ್ದರು ಎನ್ನಲಾಗಿದೆ. ಸಾಮಾನ್ಯವಾಗಿ ಪುಸ್ತಕ ಪ್ರಕಟಣೆಗೆ ಮುನ್ನ ಸಂಪಾದನೆ, ವಾಸ್ತವಾಂಶಗಳ ಪರಿಶೀಲನೆ ಮತ್ತು ಕಾನೂನುಬದ್ಧ ಸೂಕ್ಷ್ಮತೆಗಳ ಪರಿಶೀಲನೆ ನಡೆಯುತ್ತದೆ. ಆದರೆ, ಸೋನಿಯಾ ಗಾಂಧಿ ಅವರು ತಮ್ಮ ಅನುಭವಗಳು ಮತ್ತು ರಾಜಕೀಯ ದೃಷ್ಟಿಕೋನವನ್ನು ಪ್ರತಿಬಿಂಬಿಸುವ ಈ ಭಾಗಗಳನ್ನು ಬದಲಾಯಿಸಲು ಸಿದ್ಧರಿರಲಿಲ್ಲ ಎನ್ನಲಾಗಿದೆ. ಇದರಿಂ...

                                                         ಸುಭಾಷ್ ಚಂದ್ರ  ಜೀ ಸಮೂಹದ ಸುಭಾಷ್ ಚಂದ್ರ ಪ್ರಕರಣದ ಒಳನೋಟ ಸಾಮಾನ್ಯ ಬ್ಯಾಂಕ್ ಗ್ರಾಹಕರಿಗೆ ಸಾಲದ ಒಂದು ಕಂತು ವಿಳಂಬವಾದರೂ ಕಠಿಣ ಕ್ರಮ ಎದುರಾಗುವ ಸಂದರ್ಭದಲ್ಲಿ, ಸಾವಿರಾರು ಕೋಟಿ ರೂಪಾಯಿಗಳ ಸಾಲದ ಎದುರು ಇಷ್ಟು ಅಲ್ಪ ಮೊತ್ತದ ವಸೂಲಿ ಸಾಧ್ಯವಾಗಿರುವುದು ಸಹಜವಾಗಿಯೇ ದೊಡ್ಡ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ............ * ಬಿವಿಸೀ ಜೀ ಸಮೂಹದ ಸ್ಥಾಪಕ ಹಾಗೂ ಎಸ್ಸೆಲ್ ಸಮೂಹದ ಮುಖ್ಯಸ್ಥರಾಗಿದ್ದ ಸುಭಾಷ್ ಚಂದ್ರ ಅವರ ವೈಯಕ್ತಿಕ ದಿವಾಳಿತನ ಪ್ರಕರಣದಲ್ಲಿ ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ ಅಂಗೀಕರಿಸಿರುವ ಸಾಲ ಪರಿಹಾರ ಯೋಜನೆ ಇದೀಗ ದೇಶಾದ್ಯಂತ ತೀವ್ರ ಚರ್ಚೆಗೆ ಕಾರಣವಾಗಿದೆ. ಸುಮಾರು ರೂ 22,006.57 ಕೋಟಿ ಮೊತ್ತದ ಸಾಲದ ಎದುರು ಕೇವಲ ರೂ 6.5 ಕೋಟಿ ಪಾವತಿಸುವ ಯೋಜನೆಗೆ ನ್ಯಾಯಮಂಡಳಿ ಅನುಮೋದನೆ ನೀಡಿದೆ. ಇದರ ಪರಿಣಾಮ ಸಾಲದಾತರು ಪಾವತಿಸುವ ಮೊತ್ತ ಸುಮಾರು ಶೇ 0.03 ಮಾತ್ರವಾಗಿದ್ದು, ಶೇ 99.97ರಷ್ಟು ಕಡಿತವಾಗುತ್ತದೆ. ರೂ 22,000 ಕೋಟಿಯ ಮೊತ್ತ ಅವರು ವೈಯಕ್ತಿಕವಾಗಿ ಪಡೆದ ಸಾಲವಲ್ಲ. ಎಸ್ಸೆಲ್ ಸಮೂಹಕ್ಕೆ ಸೇರಿದ ವಿವಿಧ ಕಂಪನಿಗಳು ...

Dr. Kalladka Prabhakar Bhat BVSee For fourteen long years, Dakshina Kannada has carried the painful memory of Soujanya’s brutal rape and murder in Dharmasthala. For just as long, the Rashtriya Swayamsevak Sangh (RSS) has maintained a convenient, calculated silence over the atrocity. Despite proclaiming itself as the ultimate vanguard of Hindu women’s dignity, the Sangh consistently looked the other way as a Hindu daughter’s family begged for justice. That long standing pattern of deliberate indifference appeared to break when RSS strongman Dr Kalladka Prabhakar Bhat crossed the threshold of Soujanya’s family home, publicly assuring her grieving parents that he would stand by them in their fight for justice. This unexpected outreach sent shockwaves through the political and social fabric of coastal Karnataka. Bhat, known for his fiery rhetoric and wielding immense clout across the Sangh Parivar cadre, does not make moves in a vacuum. His visit forces an uncomfortable question into the p...

                                                                               ಡಾ ಕಲ್ಲಡ್ಕ ಪ್ರಭಾಕರ ಭಟ್ * ಬಿವಿಸೀ ದಕ್ಷಿಣ ಕನ್ನಡ ಜಿಲ್ಲೆಯ ಧರ್ಮಸ್ಥಳದಲ್ಲಿ ಕುಮಾರಿ ಸೌಜನ್ಯ ದಾರುಣ ಅತ್ಯಾಚಾರ ಮತ್ತು ಕೊಲೆ ನಡೆದು ಹದಿನಾಲ್ಕು ಸುದೀರ್ಘ ವರ್ಷಗಳು ಕಳೆದಿವೆ. ಆದರೂ ಸಂತ್ರಸ್ತ ಕುಟುಂಬಕ್ಕೆ ನ್ಯಾಯ ಸಿಕ್ಕಿಲ್ಲ ಎಂಬ ಆಕ್ರೋಶದ ಬೆಂಕಿ ಕರಾವಳಿಯಲ್ಲಿ ಇಂದಿಗೂ ಉರಿಯುತ್ತಲೇ ಇದೆ. ಈ ಸುದೀರ್ಘ ಅವಧಿಯಲ್ಲಿ, ಹಿಂದೂ ಧರ್ಮ ಮತ್ತು ಹಿಂದೂ ಹೆಣ್ಣುಮಕ್ಕಳ ರಕ್ಷಣೆಯೇ ತಮ್ಮ ಪರಮೋಚ್ಛ ಧ್ಯೇಯ ಎಂದು ಬೀಗುವ ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರೆಸ್ಸೆಸ್) ವಹಿಸಿದ ಮೌನವು ಸಾರ್ವಜನಿಕ ವಲಯದಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿತ್ತು. ಕೊಲೆಯಾದ ಯುವತಿ ಹಿಂದೂ ಧರ್ಮಕ್ಕೆ ಸೇರಿದವಳಾಗಿದ್ದರೂ, ಪ್ರಕರಣದ ಆರೋಪಿಗಳು ಉನ್ನತ ಸ್ಥಾನದಲ್ಲಿದ್ದಾರೆ ಎಂಬ ಕಾರಣಕ್ಕೆ ಸಂಘಟನೆಯ ಹಿರಿಯ ನಾಯಕರು ಜಾಣ ಮೌನ ವಹಿಸಿದ್ದರು ಎಂಬ ಗಂಭೀರ ಆರೋಪಗಳು ಕೇಳಿಬಂದಿದ್ದವು. ದಶಕಕ್ಕೂ ಹೆಚ್ಚಿನ ಅವಧಿಯಲ್ಲಿ ಸಂಘದ ಪ್ರಭಾವಿ ನಾಯಕರು ಧರ್ಮಸ್ಥಳದ ಪ್ರಮುಖರ ಪ್ರಭಾವಕ್ಕೆ ಒಳಗಾ...

ಇಂದು ನಾಡು ಕಂಡ ಧೀಮಂತ ಮತ್ತು ಜನಪರ ಐತಿಹಾಸಿಕ ವ್ಯಕ್ತಿ ರಾಮಕೃಷ್ಣ ಹೆಗಡೆ ಜನ್ಮದಿನೋತ್ಸವ. ತನ್ನಿಮಿತ್ತ ಈ ಲೇಖನ * ಬಿವಿಸೀ ಕರ್ನಾಟಕದ ರಾಜಕೀಯದಲ್ಲಿ ರಾಮಕೃಷ್ಣ ಹೆಗಡೆ ಎಂಬ ಹೆಸರು ಕೇವಲ ಒಬ್ಬ ಮಾಜಿ ಮುಖ್ಯಮಂತ್ರಿಯ ಹೆಸರಲ್ಲ. ಅದು ಒಂದು ರಾಜಕೀಯ ಸಂಸ್ಕøತಿಯ ಹೆಸರು. ಅಧಿಕಾರವೆಂದರೆ ಆಳುವ ಹಕ್ಕಲ್ಲ, ಜನರಿಗೆ ಉತ್ತರಿಸಬೇಕಾದ ಹೊಣೆಗಾರಿಕೆ ಎಂಬ ನಂಬಿಕೆಯ ಹೆಸರು. ಭಿನ್ನಾಭಿಪ್ರಾಯವನ್ನು ಶತ್ರುತ್ವವೆಂದು ಪರಿಗಣಿಸದೆ ಸಂವಾದಕ್ಕೆ ಅವಕಾಶ ನೀಡುವ ಪ್ರಜಾಪ್ರಭುತ್ವದ ಮನೋಭಾವದ ಹೆಸರು. ಅವರ ಜನ್ಮ ಶತಮಾನೋತ್ಸವದ ಸಂದರ್ಭದಲ್ಲಿ ಅವರನ್ನು ನೆನಪಿಸಿಕೊಳ್ಳುತ್ತಿರುವುದು ಈ ಕಾರಣಕ್ಕಾಗಿಯೇ ಮಹತ್ವದ್ದಾಗಿದೆ. ಹೆಗಡೆಯವರ ರಾಜಕೀಯ ಬದುಕಿನ ದೊಡ್ಡ ವೈಶಿಷ್ಟ್ಯ ಅಧಿಕಾರ ವಿಕೇಂದ್ರೀಕರಣದ ಮೇಲಿದ್ದ ನಂಬಿಕೆ. ಆಡಳಿತದ ಅಧಿಕಾರ ಕೆಲವರ ಕೈಯಲ್ಲಿ ಮಾತ್ರ ಕೇಂದ್ರೀಕೃತವಾಗಿರಬಾರದು; ಗ್ರಾಮೀಣ ಜನರೂ ತಮ್ಮ ಬದುಕಿಗೆ ಸಂಬಂಧಿಸಿದ ನಿರ್ಧಾರಗಳಲ್ಲಿ ಪಾಲ್ಗೊಳ್ಳಬೇಕು ಎಂಬ ಆಲೋಚನೆಗೆ ಅವರು ರಾಜಕೀಯ ಬಲ ನೀಡಿದರು. ಪಂಚಾಯತ್ ರಾಜ್ ವ್ಯವಸ್ಥೆಯನ್ನು ಬಲಪಡಿಸುವ ಮೂಲಕ ಆಡಳಿತವನ್ನು ಜನರ ಬಾಗಿಲಿಗೆ ಕೊಂಡೊಯ್ಯುವ ಪ್ರಯತ್ನ ಮಾಡಿದರು. ಇಂದು ಸ್ಥಳೀಯ ಸಂಸ್ಥೆಗಳು ರಾಜಕೀಯ ಲೆಕ್ಕಾಚಾರಗಳ ವೇದಿಕೆಯಾಗುತ್ತಿರುವಾಗ, ಅವುಗಳನ್ನು ಜನರ ನೇರ ಪಾಲ್ಗೊಳ್ಳುವಿಕೆಯ ಪ್ರಜಾಪ್ರಭುತ್ವದ ಸಂಸ್ಥೆಗಳನ್ನಾಗಿ ರೂಪಿಸುವ ಹೆಗಡೆಯವರ ಆಶಯ ನೆನಪಾಗುತ್ತದೆ. ಹೆಗಡೆಯವರು ಹೊಸ ಆಲೋಚನೆಗಳನ್ನು...

 * ಬಿವಿಸೀ ತೇಜಸ್ವಿ ಸೂರ್ಯ ಅವರನ್ನು ಭಾರತೀಯ ಜನತಾ ಯುವ ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷ ಸ್ಥಾನದಿಂದ ಇತ್ತೀಚೆಗೆ ತೆಗೆದುಹಾಕಲಾಗಿದೆ. 2020ರಿಂದ ಸುಮಾರು ಆರು ವರ್ಷ ಈ ಹುದ್ದೆಯಲ್ಲಿದ್ದ ಅವರು, ಬಿಜೆಪಿಯ ಅತ್ಯಂತ ಪರಿಚಿತ ಯುವ ಮುಖಗಳಲ್ಲಿ ಒಬ್ಬರಾಗಿದ್ದರು. ಆದರೆ ಹೊಸ ರಾಷ್ಟ್ರೀಯ ತಂಡದಲ್ಲಿ ಅವರಿಗೆ ಯಾವುದೇ ಪರ್ಯಾಯ ಸಂಘಟನಾ ಜವಾಬ್ದಾರಿಯನ್ನೂ ನೀಡಲಾಗಿಲ್ಲ. ಇದೇ ಈಗ ರಾಜಕೀಯ ವಲಯದಲ್ಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. 2019ರಲ್ಲಿ ಕೇವಲ 28ನೇ ವಯಸ್ಸಿನಲ್ಲಿ ಬೆಂಗಳೂರು ದಕ್ಷಿಣದಿಂದ ಲೋಕಸಭೆಗೆ ಆಯ್ಕೆಯಾದ ಸೂರ್ಯ, ನರೇಂದ್ರ ಮೋದಿ ಮತ್ತು ಅಮಿತ್ ಶಾ ಅವರ ನಾಯಕತ್ವದ ಬಿಜೆಪಿಯ ಹೊಸ ತಲೆಮಾರಿನ ಮುಖವಾಗಿ ವೇಗವಾಗಿ ಬೆಳೆದರು. ಅವರ ಆಕ್ರಮಣಕಾರಿ ಭಾಷಣಶೈಲಿ, ವಾಕ್ಚಾತುರ್ಯ ಮತ್ತು ಸಾಮಾಜಿಕ ಮಾಧ್ಯಮದಲ್ಲಿನ ಚಟುವಟಿಕೆಗಳು ಅವರನ್ನು ರಾಷ್ಟ್ರಮಟ್ಟದಲ್ಲಿ ಪರಿಚಿತರನ್ನಾಗಿಸಿದವು. 2024ರಲ್ಲೂ ಅವರು ಬೆಂಗಳೂರು ದಕ್ಷಿಣದಿಂದ ಭರ್ಜರಿ ಜಯ ಸಾಧಿಸಿ ಎರಡನೇ ಬಾರಿ ಸಂಸದರಾದರು. ಹೀಗಾಗಿ ಅವರ ಸೋಲು ಅಥವಾ ಜನಪ್ರಿಯತೆಯ ಕುಸಿತವೇ ಯುವ ಮೋರ್ಚಾ ಅಧ್ಯಕ್ಷ ಸ್ಥಾನದಿಂದ ತೆರವುಗೊಳಿಸಲು ಕಾರಣವೆಂದು ಹೇಳಲು ಆಧಾರವಿಲ್ಲ. ಹಾಗಿದ್ದರೆ ಪ್ರಶ್ನೆ ಬೇರೆಡೆ ಇದೆ. ಬಿಜೆಪಿಯಲ್ಲಿ ಒಂದು ರಾಷ್ಟ್ರೀಯ ಹುದ್ದೆ ಕಳೆದುಕೊಂಡವರಿಗೆ ಮತ್ತೊಂದು ಜವಾಬ್ದಾರಿ ನೀಡುವುದು ಸಾಮಾನ್ಯ. ಆದರೆ ಸೂರ್ಯ ಅವರಿಗೆ ಅಂತಹ ಪುನರ್ವಸತಿ ನಡೆದಿಲ್ಲ. ಇದೇ ಸಂಗತಿ ಅವರ ರಾಜಕೀಯ...

 * ಬಿವಿಸೀ ಒಂದೇ ಕಾಲದಲ್ಲಿ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳನ್ನು ಒಳಗೊಂಡಿದ್ದ ಅವಿಭಜಿತ ದಕ್ಷಿಣ ಕನ್ನಡ ಇಂದು ವಿಚಿತ್ರವಾದ ಭಯದ ವಾತಾವರಣವನ್ನು ಎದುರಿಸುತ್ತಿದೆ. ಕೊಲೆಗಳು ನಡೆಯುತ್ತಿವೆ; ಮತ್ತೊಂದು ಕೊಲೆಯ ಸುದ್ದಿ ಬರುವಷ್ಟರಲ್ಲಿ ಹಿಂದಿನ ಘಟನೆ ಇನ್ನೂ ಜನರ ಮನಸ್ಸಿನಿಂದ ಮಾಸಿರುವುದಿಲ್ಲ. ಇವುಗಳಲ್ಲಿ ಕೆಲವು ವೈಯಕ್ತಿಕ ದ್ವೇಷ, ಹಣಕಾಸಿನ ವ್ಯವಹಾರ ಮತ್ತು ಅಪರಾಧ ಜಾಲಗಳಿಗೆ ಸಂಬಂಧಿಸಿದ್ದರೆ, ಮತ್ತೆ ಕೆಲವು ಕೋಮು ವೈಷಮ್ಯದ ಪ್ರತೀಕಾರದ ಸರಪಳಿಯ ಭಾಗವಾಗಿವೆ. ಅವಿರತ ಕೊಲೆಗಳಿಂದಾಗಿ ಅವಳಿ ಜಿಲ್ಲೆಗಳು ರಾಜ್ಯದ ಕ್ರೈಂ ಕ್ಯಾಪಿಟಲ್ ಎನ್ನುವ ಅಪಖ್ಯಾತಿ ಗಳಿಸಿವೆ. ಈ ಎರಡೂ ಪ್ರವೃತ್ತಿಗಳು ಕರಾವಳಿಯ ಶಾಂತಿಪ್ರಿಯ ಜನರನ್ನು ಆತಂಕಕ್ಕೆ ದೂಡಿವೆ. ಇತ್ತೀಚಿನ ಉಡುಪಿ ಜಿಲ್ಲೆಯ ಮುದರಂಗಡಿ ಗ್ರಾಮ ಪಂಚಾಯಿತಿಯ ಮಾಜಿ ಅಧ್ಯಕ್ಷ, ಉದ್ಯಮಿ ಹಾಗೂ ಕಾಂಗ್ರೆಸ್ ಮುಖಂಡ ಡೇವಿಡ್ ಡಿಸೋಜ ಅವರ ಹತ್ಯೆ ಈ ಆತಂಕವನ್ನು ಮತ್ತಷ್ಟು ಗಾಢಗೊಳಿಸಿದೆ. ಆಗಸ್ಟ್ ಏಳರಂದು ಅವರು ಚರ್ಚ್ ಸಮೀಪವೇ ಗುಂಡಿನ ದಾಳಿಗೆ ಬಲಿಯಾದರು. ಆರಂಭಿಕ ತನಿಖೆಯಲ್ಲಿ ಹಣಕಾಸಿನ ವಿವಾದದ ಸುಳಿವು ಸಿಕ್ಕಿತ್ತು. ನಂತರ ಪೆÇಲೀಸರು ಬಹುಕೋಟಿ ರೂಪಾಯಿಗಳ ಗುತ್ತಿಗೆ ವಿವಾದ ಮತ್ತು ಅಪರಾಧ ಜಾಲದ ಸಂಪರ್ಕದ ಸಾಧ್ಯತೆಯನ್ನೂ ಪರಿಶೀಲಿಸುತ್ತಿದ್ದಾರೆ. ಮುಂಬೈ ಮೂಲದ ಅಪರಾಧಿಯ ಬಂಧನವೂ ಪ್ರಕರಣಕ್ಕೆ ಮತ್ತಷ್ಟು ಗಂಭೀರ ಆಯಾಮ ನೀಡಿದೆ. ಇದು ಕೇವಲ ಒಂದು ಪ್ರತ್ಯೇಕ ಘಟನೆ ಎಂದು ಹೇಳಿ ಕೈತೊ...

 ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಟಾಕ್ಸಿಕ್ ಚಿತ್ರದ ಬಗ್ಗೆ ದೇಶದಾದ್ಯಂತ ಇಷ್ಟೊಂದು ಚರ್ಚೆಯಾಗುತ್ತಿರುವುದು ಕೇವಲ ಒಬ್ಬ ಜನಪ್ರಿಯ ನಟನ ಚಿತ್ರ ಬಿಡುಗಡೆಯಾಗುತ್ತಿದೆ ಎಂಬ ಕಾರಣಕ್ಕೆ ಅಲ್ಲ. `ಕೆಜಿಎಫ್' ಸರಣಿಯ ನಂತರ ಯಶ್ ಮರಳುತ್ತಿರುವುದು ಒಂದು ಕಾರಣವಾದರೆ, ಕನ್ನಡ ಚಿತ್ರರಂಗದಲ್ಲಿ ಬೆಳೆದ ನಟನೊಬ್ಬ ಈಗ ಭಾರತೀಯ ಚಿತ್ರರಂಗದ ಪ್ರಮುಖ ತಾರೆಯಾಗಿ, ವಿಶ್ವ ಮಾರುಕಟ್ಟೆಯನ್ನೂ ಗುರಿಯಾಗಿಸಿಕೊಂಡಿರುವುದು ಮತ್ತೊಂದು ಕಾರಣ. ಟಾಕ್ಸಿಕ್ ಆ ಪ್ರಯಾಣದ ಮತ್ತೊಂದು ಮಹತ್ವದ ಹೆಜ್ಜೆ. ಗೀತು ಮೋಹನ್‍ದಾಸ್ ನಿರ್ದೇಶನದ ಈ ಚಿತ್ರ ಅಪರಾಧ ಜಗತ್ತಿನ ಹಿನ್ನೆಲೆಯ ಕಥೆ. ಗೋವಾದ ಕತ್ತಲೆಯ ಲೋಕ, ಅಧಿಕಾರ, ಹಣ, ದ್ರೋಹ, ಹಿಂಸೆ ಮತ್ತು ಮಾದಕವಸ್ತುಗಳ ಜಾಲದ ಸುತ್ತ ಕಥೆ ಹೆಣೆದಿದೆ. ಸ್ವಾತಂತ್ರ್ಯಾನಂತರದ ಗೋವಾದ ಹಿನ್ನೆಲೆಯನ್ನೂ ಕಥೆ ಬಳಸಿಕೊಂಡಿದ್ದು, ರಾಯ ಎಂಬ ಪಾತ್ರದ ಮೂಲಕ ಅಪರಾಧ ಜಗತ್ತಿನ ಸಂಕೀರ್ಣ ಮುಖವನ್ನು ತೆರೆದಿಡುವ ಪ್ರಯತ್ನ ಮಾಡಲಾಗಿದೆ. ಹೀಗಾಗಿ ಟಾಕ್ಸಿಕ್ ಕೇವಲ ಸಾಹಸಮಯ ಮನರಂಜನೆಯಲ್ಲ; ಕಥೆ ಮತ್ತು ಪಾತ್ರಗಳ ಮನೋವೈಜ್ಞಾನಿಕ ಆಯಾಮಕ್ಕೂ ಒತ್ತು ನೀಡಿರುವ ಚಿತ್ರ ಎಂಬ ನಿರೀಕ್ಷೆ ಇದೆ. ಯಶ್ ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಕುತೂಹಲ ಹೆಚ್ಚಿಸಿದೆ. ನಯನತಾರಾ, ಕಿಯಾರಾ ಅಡ್ವಾಣಿ, ಹುಮಾ ಖುರೇಷಿ, ತಾರಾ ಸುತಾರಿಯಾ ಮತ್ತು ರುಕ್ಮಿಣಿ ವಸಂತ್ ಅವರಂತಹ ತಾರೆಯರ ಉಪಸ್ಥಿತಿಯೂ ಚಿತ್ರದ ವ್ಯಾಪ್ತಿಯನ್ನು ತೋರಿಸುತ್ತದೆ. ಯಶ್ ನಟನಷ್ಟೇ ಅಲ್...

 ಅಭಿಮತ * ಬಿವಿಸೀ ಅಖಂಡ ಭಾರತದ ಹೆಸರಿನಲ್ಲಿ ದಶಕಗಳ ಕಾಲ ದೇಶದ ಜನರ ಭಾವನೆಗಳನ್ನು ಕೆರಳಿಸುತ್ತ ಬಂದ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಇಂದಿನ ನಿಲುವು ನೋಡಿದರೆ ಒಂದು ಪ್ರಶ್ನೆ ಅನಿವಾರ್ಯವಾಗಿ ಎದುರಾಗುತ್ತದೆ. ನಿನ್ನೆ ಪಾಕಿಸ್ತಾನವನ್ನು ಭಾರತದ ವಿಭಜನೆಯ ಸಂಕೇತವೆಂದು ಖಂಡಿಸಿದ್ದ ಸಂಘಕ್ಕೆ ಇಂದು ಅದೇ ಪಾಕಿಸ್ತಾನದೊಂದಿಗೆ ಮಾತುಕತೆಯ ಬಾಗಿಲು ತೆರೆದಿಡಬೇಕೆಂಬ ಹಠ ಏಕೆ? ಪಾಕಿಸ್ತಾನ ಭಾರತದ ವಿರುದ್ಧ ಸಂಚು ರೂಪಿಸುತ್ತಲೇ ಇದೆ ಎಂದು ಹೇಳಿಕೊಂಡು ಬಂದ ಸಂಘವೇ ಈಗ ಸಂವಾದದ ಪರವಾಗಿ ವಕಾಲತ್ತು ವಹಿಸುವ ಮಟ್ಟಕ್ಕೆ ಏಕೆ ಇಳಿದಿದೆ? ಇದು ಕೇವಲ ನಿಲುವಿನ ಬದಲಾವಣೆಯಲ್ಲ. ಇದು ಸಂಘದ ಸೈದ್ಧಾಂತಿಕ ಸ್ಥಿರತೆಯ ಮೇಲೆಯೇ ಪ್ರಶ್ನೆ ಎಬ್ಬಿಸುವ ದ್ವಂದ್ವ ನೀತಿ. ಬಿಜೆಪಿ ವರಿಷ್ಠರಾಗಿದ್ದ ಮಾಜಿ ಉಪಪ್ರಧಾನಿ ಎಲ್ ಕೆ ಅಡ್ವಾಣಿ ಪಾಕಿಸ್ತಾನಕ್ಕೆ ತೆರಳಿ ಮೊಹಮ್ಮದ್ ಅಲಿ ಜಿನ್ನಾರನ್ನು ಶ್ಲಾಘಿಸಿ, ಅವರನ್ನು `ಮಹಾ ಪ್ರಜಾಪ್ರಭುತ್ವವಾದಿ' ಎಂದು ಬಣ್ಣಿಸಿದಾಗ ಸಂಘ ಎಂತಹ ಆಕ್ರೋಶ ವ್ಯಕ್ತಪಡಿಸಿತ್ತು ಎಂಬುದನ್ನು ದೇಶ ಮರೆತಿಲ್ಲ. ಜಿನ್ನಾ ಎಂಬ ಹೆಸರೇ ಸಂಘದ ರಾಜಕೀಯ ವಲಯದಲ್ಲಿ ವಿಭಜನೆಯ ಪ್ರತೀಕವಾಗಿದ್ದ ಸಂದರ್ಭದಲ್ಲಿ, ಅಡ್ವಾಣಿಯ ಹೇಳಿಕೆ ಸಂಘಕ್ಕೆ ಅಷ್ಟು ಅಸಹನೀಯವಾಗಿತ್ತು. ಅದರ ಪರಿಣಾಮವಾಗಿ ಅಡ್ವಾಣಿ ಬಿಜೆಪಿಯ ಅತ್ಯುನ್ನತ ರಾಜಕೀಯ ಸ್ಥಾನದಿಂದ ಬದಿಗೆ ಸರಿಯುವಂತಾಯಿತು. ನಂತರ ನರೇಂದ್ರ ಮೋದಿ ಅವರ ಉದಯಕ್ಕೆ ದಾರಿ ಸುಗಮವಾಯಿತು. ಅಂದು ಜಿನ್ನಾರನ್ನು ಹೊಗ...

 ಕೊಳೆತ ವ್ಯವಸ್ಥೆ * ಬಿವಿಸೀ ಸರ್ಕಾರವು ಜನರ ಕಲ್ಯಾಣಕ್ಕಾಗಿ ಸಾವಿರಾರು ಕೋಟಿ ರೂಪಾಯಿಗಳನ್ನು ಮೀಸಲಿಡುತ್ತದೆ. ಬಜೆಟ್‍ನಲ್ಲಿ ದೊಡ್ಡ ಮೊತ್ತ ಘೋಷಿಸಲಾಗುತ್ತದೆ. ಹೊಸ ಯೋಜನೆಗಳು ಪ್ರಕಟವಾಗುತ್ತವೆ. ಅಭಿವೃದ್ಧಿಯ ಭರವಸೆಗಳನ್ನು ನೀಡಲಾಗುತ್ತದೆ. ಆದರೆ ಆ ಹಣ ನಿಜವಾಗಿ ಜನರಿಗೆ ತಲುಪುತ್ತಿದೆಯೇ ಎಂಬ ಪ್ರಶ್ನೆ ಎದುರಾದಾಗ ಆಡಳಿತದ ನಿಜವಾದ ಚಿತ್ರಣ ಹೊರಬರುತ್ತದೆ. ವಿವಿಧ ಯೋಜನೆಗಳಿಗೆ ಮೀಸಲಿಟ್ಟ ಹಣದ ದೊಡ್ಡ ಮೊತ್ತ ಬಳಕೆಯಾಗದೆ ಉಳಿದಿರುವುದು ಸರ್ಕಾರದ ಕಾರ್ಯವೈಖರಿಯ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ. ಹಣ ಮೀಸಲಿಡುವುದು ಸುಲಭ. ಅದನ್ನು ಪರಿಣಾಮಕಾರಿಯಾಗಿ ಬಳಸುವುದು ಕಷ್ಟ. ಯೋಜನೆ ಘೋಷಿಸಿದ ನಂತರ ಭೂಮಿ, ಅನುಮತಿ, ಗುತ್ತಿಗೆ, ತಾಂತ್ರಿಕ ಅನುಮೋದನೆ, ಇಲಾಖೆಗಳ ನಡುವಿನ ಸಮನ್ವಯ ಸೇರಿದಂತೆ ಹಲವು ಹಂತಗಳನ್ನು ದಾಟಬೇಕಾಗುತ್ತದೆ. ಈ ಪ್ರಕ್ರಿಯೆಗಳಲ್ಲಿ ವಿಳಂಬವಾದರೆ ಹಣ ಖರ್ಚಾಗುವುದಿಲ್ಲ. ಆದರೆ ಇಂತಹ ಆಡಳಿತಾತ್ಮಕ ಅಡಚಣೆಗಳನ್ನು ವರ್ಷದಿಂದ ವರ್ಷಕ್ಕೆ ಮುಂದುವರಿಯಲು ಬಿಡುವುದು ಯಾವುದೇ ಕಾರಣಕ್ಕೂ ಸಮರ್ಥನೀಯವಲ್ಲ. ಬಳಕೆಯಾಗದೆ ಉಳಿದ ಹಣದ ಇನ್ನೊಂದು ಮುಖವೂ ಇದೆ. ಒಂದೆಡೆ ಸರ್ಕಾರಕ್ಕೆ ಸಂಪನ್ಮೂಲಗಳ ಕೊರತೆಯಿದೆ ಎಂದು ಹೇಳಲಾಗುತ್ತದೆ. ಶಾಲೆಗಳಿಗೆ ಕಟ್ಟಡಗಳಿಲ್ಲ, ಆಸ್ಪತ್ರೆಗಳಿಗೆ ಅಗತ್ಯ ಸೌಲಭ್ಯಗಳಿಲ್ಲ, ರಸ್ತೆಗಳು ಹದಗೆಟ್ಟಿವೆ, ಕುಡಿಯುವ ನೀರಿನ ಯೋಜನೆಗಳು ಅಪೂರ್ಣವಾಗಿವೆ ಎಂದು ಜನರು ದೂರುತ್ತಾರೆ. ಮತ್ತೊಂದೆಡೆ, ...

 ಮಂಗಳೂರು ಅದೇ ರಾಜ್ಯದ ಮೈಸೂರು ವಿಭಾಗಕ್ಕೆ ಸೇರಿದರೆ ಕಾಂಗ್ರೆಸ್‍ಗೆ ನಷ್ಟವೇನು? ಅವಿವೇಕಿಗಳಿವರು * ಬಿವಿಸೀ ಮಂಗಳೂರಿನ ರೈಲ್ವೆ ನಿಲ್ದಾಣಗಳು ಮತ್ತು ಸುತ್ತಮುತ್ತಲಿನ ಪ್ರದೇಶವನ್ನು ಪಾಲಕ್ಕಾಡು ವಿಭಾಗದಿಂದ ತೆಗೆದು ಮೈಸೂರು ವಿಭಾಗಕ್ಕೆ ಸೇರಿಸುವ ರೈಲ್ವೆ ಸಚಿವಾಲಯದ ನಿರ್ಧಾರವನ್ನು ಕೇರಳದ ಜನತೆ ವಿರೋಧಿಸುತ್ತಿದ್ದಾರೆ ಎಂದು ಬಿಂಬಿಸುವುದು ತಪ್ಪು. ಕೇರಳದ ಸಾಮಾನ್ಯ ಜನರ ವಿರುದ್ಧ ಯಾವುದೇ ಆಕ್ಷೇಪವಿಲ್ಲ. ಈ ನಿರ್ಧಾರಕ್ಕೆ ವಿರೋಧ ವ್ಯಕ್ತಪಡಿಸುತ್ತಿರುವವರು ಮುಖ್ಯವಾಗಿ ಕಾಂಗ್ರೆಸ್ ಮತ್ತು ಕಮ್ಯುನಿಸ್ಟ್ ಪಕ್ಷಗಳ ರಾಜಕೀಯ ನಾಯಕರು ಹಾಗೂ ಕಾರ್ಯಕರ್ತರು. ಹೀಗಾಗಿ ಈ ವಿಚಾರವನ್ನು ಕೇರಳ ಮತ್ತು ಕರ್ನಾಟಕದ ನಡುವಿನ ಸಂಘರ್ಷವೆಂದು ನೋಡುವ ಬದಲು, ಕಾಂಗ್ರೆಸ್ ಮತ್ತು ಕಮ್ಯುನಿಸ್ಟ್ ಪಕ್ಷಗಳ ಸಂಕುಚಿತ ರಾಜಕಾರಣವೆಂದು ನೋಡಬೇಕು. ಇಲ್ಲಿ ಕಾಂಗ್ರೆಸ್‍ನ ನಿಲುವು ಇನ್ನಷ್ಟು ಅಚ್ಚರಿಯದ್ದಾಗಿದೆ. ಕಾಂಗ್ರೆಸ್ ಕರ್ನಾಟಕದಲ್ಲೂ ಅಧಿಕಾರದಲ್ಲಿದೆ, ಕೇರಳದಲ್ಲೂ ಅಧಿಕಾರದಲ್ಲಿದೆ. ಎರಡೂ ರಾಜ್ಯಗಳಲ್ಲಿ ಸರ್ಕಾರ ನಡೆಸುತ್ತಿರುವ ಒಂದೇ ರಾಷ್ಟ್ರೀಯ ಪಕ್ಷಕ್ಕೆ ಮಂಗಳೂರಿನ ರೈಲ್ವೆ ಆಡಳಿತವನ್ನು ಕರ್ನಾಟಕದ ಮೈಸೂರು ವಿಭಾಗಕ್ಕೆ ಸೇರಿಸುವುದರಲ್ಲಿ ಏನು ತೊಂದರೆ? ಕರ್ನಾಟಕದ ಮಂಗಳೂರು ಕರ್ನಾಟಕದ ಮೈಸೂರು ವಿಭಾಗಕ್ಕೆ ಸೇರಿದರೆ ಕಾಂಗ್ರೆಸ್‍ಗೆ ನಷ್ಟವೇನು? ಬದಲಾಗಿ, ಎರಡೂ ರಾಜ್ಯಗಳಲ್ಲಿ ಅಧಿಕಾರದಲ್ಲಿರುವ ರಾಷ್ಟ್ರೀಯ ಪಕ್ಷವಾಗಿ ಕಾಂಗ್ರೆಸ್ ಈ ಬದಲಾವಣೆಯನ್...

 ಕೇಳಲೇಬೇಕಾಗಿದ್ದು * ಬಿವಿಸೀ ಗೌತಮ್ ಅದಾನಿ ಮತ್ತು ನರೇಂದ್ರ ಮೋದಿ ಸರ್ಕಾರದ ನಡುವಿನ ವ್ಯಾವಹಾರಿಕ ನಂಟನ್ನು ಕಾಂಗ್ರೆಸ್ ನಾಯಕರು, ಅದರಲ್ಲೂ ರಾಹುಲ್ ಗಾಂಧಿ, ದಿನನಿತ್ಯದ ರಾಜಕೀಯ ಅಸ್ತ್ರ್ರವನ್ನಾಗಿ ಬಳಸುತ್ತಿದ್ದಾರೆ. ಅದಾನಿಗೆ ಸರ್ಕಾರದ ನೆರವು ಸಿಗುತ್ತಿದೆ, ಅವರ ಉದ್ಯಮ ಸಾಮ್ರಾಜ್ಯಕ್ಕೆ ಆಡಳಿತದ ಅನುಕೂಲ ಕಲ್ಪಿಸಲಾಗುತ್ತಿದೆ ಎಂದು ಆರೋಪಿಸುವ ಕಾಂಗ್ರೆಸ್, ಇದೇ ಅದಾನಿಯೊಂದಿಗೆ ತನ್ನದೇ ರಾಜ್ಯದ ಮುಖ್ಯಮಂತ್ರಿಯೊಬ್ಬರು ದೀರ್ಘ ಸಮಾಲೋಚನೆ ನಡೆಸಿದಾಗ ಮಾತ್ರ ಮೌನವಾಗಿರುವುದು ಸಹಜವಾಗಿಯೇ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ. ಕರ್ನಾಟಕದ ಮುಖ್ಯಮಂತ್ರಿ ಡಿ ಕೆ ಶಿವಕುಮಾರ್ ಅವರನ್ನು ಗೌತಮ್ ಅದಾನಿ ಭೇಟಿ ಮಾಡಿ ದೀರ್ಘಕಾಲ ಮಾತುಕತೆ ನಡೆಸಿರುವುದು ಈಗ ಸಾರ್ವಜನಿಕ ಚರ್ಚೆಯ ವಿಷಯವಾಗಿದೆ. ಇಬ್ಬರ ನಡುವೆ ಏನು ಚರ್ಚೆಯಾಯಿತು ಎಂಬುದು ಸ್ಪಷ್ಟವಾಗಿ ಬಹಿರಂಗವಾಗಿಲ್ಲ. ಅದು ರಾಜ್ಯದ ಹಿತಾಸಕ್ತಿಗೆ ಸಂಬಂಧಿಸಿದ ಹೂಡಿಕೆ ವಿಚಾರವಾಗಿರಬಹುದು, ಉದ್ಯಮ ಸಂಬಂಧಿತ ವಿಷಯವಾಗಿರಬಹುದು ಅಥವಾ ಬೇರೆ ಯಾವುದೇ ಆಡಳಿತಾತ್ಮಕ ವಿಷಯವಾಗಿರಬಹುದು. ಆದರೆ ವಿಷಯ ಏನೇ ಆಗಿರಲಿ, ಸಾರ್ವಜನಿಕ ಜೀವನದಲ್ಲಿರುವ ನಾಯಕರು ಇಂತಹ ಭೇಟಿಗಳ ಬಗ್ಗೆ ಕನಿಷ್ಠ ಮಟ್ಟದ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಬೇಕಾಗುತ್ತದೆ. ಇಲ್ಲಿ ಮುಖ್ಯ ಪ್ರಶ್ನೆ ಅದಾನಿ ಮುಖ್ಯಮಂತ್ರಿಯನ್ನು ಏಕೆ ಭೇಟಿಯಾದರು ಎಂಬುದಷ್ಟೇ ಅಲ್ಲ. ಅದಾನಿಯ ವಿರುದ್ಧ ದೇಶಾದ್ಯಂತ ಗಂಭೀರ ಆರೋಪಗಳನ್ನು ಮಾಡುತ...

 ಜಿರಳೆಗಳೇ ರಾಮಬಾಣ * ಬಿವಿಸೀ ರಾಜಸ್ಥಾನದ ಸರ್ಕಾರಿ ಶಾಲೆಗಳ ದುಃಸ್ಥಿತಿಯ ಕುರಿತು ಹೆಚ್ಚುತ್ತಿರುವ ಜಿರಳೆ ಪಕ್ಷದ ಸದಸ್ಯರ  ಒತ್ತಡದ ನಡುವೆಯೇ ಭಜನ್‍ಲಾಲ್ ಶರ್ಮಾ ನೇತೃತ್ವದ ಬಿಜೆಪಿ ಸರ್ಕಾರ ಮಹತ್ವದ ಮೂರು ವರ್ಷದ ಯೋಜನೆಯನ್ನು ಪ್ರಕಟಿಸಿದೆ. ಸರ್ಕಾರಿ ಶಾಲೆಗಳ ಮೂಲಸೌಕರ್ಯ ಬಲಪಡಿಸಲು 12,500 ಕೋಟಿ ರೂಪಾಯಿ ವೆಚ್ಚ ಮಾಡಲು ಸರ್ಕಾರ ನಿರ್ಧರಿಸಿದೆ. ಸರ್ಕಾರಿ ಶಾಲೆಗಳ ಸಮಸ್ಯೆ ಕಟ್ಟಡಗಳ ಕೊರತೆಯಲ್ಲಿ ಮಾತ್ರ ಸೀಮಿತವಾಗಿಲ್ಲ. ಅನೇಕ ಶಾಲೆಗಳಲ್ಲಿ ಸಮರ್ಪಕ ತರಗತಿ ಕೊಠಡಿಗಳು, ಕುಡಿಯುವ ನೀರು, ಶೌಚಾಲಯ, ವಿದ್ಯುತ್, ಪೀಠೋಪಕರಣಗಳು ಮತ್ತು ಇತರ ಮೂಲಭೂತ ಸೌಲಭ್ಯಗಳ ಕೊರತೆ ಇರುವುದು ಮಕ್ಕಳ ಕಲಿಕೆಯ ಮೇಲೆಯೂ ಪರಿಣಾಮ ಬೀರುತ್ತದೆ. ಗ್ರಾಮೀಣ ಪ್ರದೇಶಗಳಲ್ಲಿ ಈ ಸಮಸ್ಯೆ ಇನ್ನಷ್ಟು ಗಂಭೀರವಾಗಿರುತ್ತದೆ. ಆದ್ದರಿಂದ ಮೂಲಸೌಕರ್ಯ ಸುಧಾರಣೆಗೆ ಮೀಸಲಾದ ಹಣವನ್ನು ಅಗತ್ಯವಿರುವ ಶಾಲೆಗಳಿಗೆ ಆದ್ಯತೆಯ ಆಧಾರದಲ್ಲಿ ತಲುಪಿಸುವುದು ಮುಖ್ಯ. ಜಿರಳೆ ಪಕ್ಷದ ನಾಗರಿಕರ ಗುಂಪೆÇಂದು ದೇಶವ್ಯಾಪಿ ನಡೆಸುತ್ತಿರುವ ಶಾಲೆಗಳನ್ನು ಸರಿಪಡಿಸುವ ಅಭಿಯಾನದ ಸಂದರ್ಭದಲ್ಲಿ ರಾಜಸ್ಥಾನದ ಒಂದು ಗ್ರಾಮದಲ್ಲಿನ ಶಾಲೆಗೆ ಭೇಟಿ ನೀಡಿದ ಕಾರ್ಯಕರ್ತರ ಮೇಲೆ ಬಿಜೆಪಿ ಪುಂಡರ ಹಲ್ಲೆ ನಡೆದ ಆರೋಪವೂ ಕೇಳಿಬಂದಿತ್ತು. ಬಳಿಕ ಕಾಂಗ್ರೆಸ್ ಕೂಡ ಸರ್ಕಾರಿ ಶಾಲೆಗಳ ಸ್ಥಿತಿಗತಿ ಪರಿಶೀಲನೆಗೆ ಕರೆ ನೀಡಿತ್ತು. ಇದರಿಂದ ಶಾಲೆಗಳ ಮೂಲಸೌಕರ್ಯ ರಾಜಕೀಯ ಚರ್ಚೆಯ ಪ್ರಮುಖ ವಿಷಯವಾಗಿ ಪರಿಣ...

 ಪಾರದರ್ಶಕತೆಯ ಕುರಿತ ಪ್ರಶ್ನೆಗಳು * ಬಿವಿಸೀ ಭಾರತ ಸರ್ಕಾರವು ಪಿಎಂ ಕೇರ್ಸ್ ನಿಧಿಯ 2023-24 ಮತ್ತು 2024-25ರ ಹಣಕಾಸು ವರ್ಷಗಳ ಜಮಾ ಮತ್ತು ಖರ್ಚುಗಳ ಲೆಕ್ಕಪತ್ರ ವರದಿಯನ್ನು ಬಹಿರಂಗಪಡಿಸಿದೆ. ಈ ವರದಿಯ ಪ್ರಕಾರ, 2024-25ರ ಹಣಕಾಸು ವರ್ಷದ ಅಂತ್ಯದ ವೇಳೆಗೆ ಪಿಎಂ ಕೇರ್ಸ್ ನಿಧಿಯಲ್ಲಿ ಒಟ್ಟು 8,452 ಕೋಟಿ ರೂಪಾಯಿ ಸಂಗ್ರಹವಿತ್ತು. ಆದರೆ, ಈ ಪೈಕಿ ಸರ್ಕಾರವು ವೆಚ್ಚ ಮಾಡಿರುವುದು ಕೇವಲ 88 ಲಕ್ಷ ರೂಪಾಯಿ ಮಾತ್ರ. ಅಂದರೆ ಸಂಗ್ರಹವಾದ ಒಟ್ಟು ಮೊತ್ತದ ಶೇಕಡಾ 0.001ರಷ್ಟು ಹಣವನ್ನು ಮಾತ್ರ ಬಳಸಲಾಗಿದ್ದು, ಉಳಿದ ಶೇಕಡಾ 93 ರಷ್ಟು ಬೃಹತ್ ಮೊತ್ತವನ್ನು ಸ್ಥಿರ ಠೇವಣಿಯಲ್ಲಿ ಕಾಯ್ದಿರಿಸಲಾಗಿದೆ. ಕೊವಿಡ್ ಮಹಾಮಾರಿಯ ಸಮಯದಲ್ಲಿ ಪೆÇೀಷಕರನ್ನು ಕಳೆದುಕೊಂಡು ಅನಾಥರಾದ ಮಕ್ಕಳಿಗೆ ನೆರವಾಗಲು ಪಿಎಂ ಕೇರ್ಸ್ ಫಾರ್ ಚಿಲ್ಡ್ರನ್ ಯೋಜನೆಯನ್ನು ಪ್ರಾರಂಭಿಸಲಾಗಿತ್ತು. ಈ ಯೋಜನೆಯಡಿ ಪ್ರತಿಯೊಬ್ಬ ಮಗುವಿಗೆ ವಾರ್ಷಿಕ 20,000 ರೂಪಾಯಿ ಶಿಷ್ಯವೇತನ ಮತ್ತು ಇತರೆ ಸಹಾಯಧನ ನೀಡಲಾಗುವುದು ಎಂದು ಸರ್ಕಾರ ವಾಗ್ದಾನ ಮಾಡಿತ್ತು. ವರದಿಗಳ ಪ್ರಕಾರ, ಸರ್ಕಾರಿ ಪಟ್ಟಿಯಲ್ಲಿ 3,383 ಫಲಾನುಭವಿ ಮಕ್ಕಳಿದ್ದಾರೆ. ಆದರೆ 2024-25ರಲ್ಲಿ ಬಿಡುಗಡೆಯಾದ 88 ಲಕ್ಷ ರೂಪಾಯಿಯನ್ನು ಈ ಮಕ್ಕಳ ಸಂಖ್ಯೆಗೆ ಹಂಚಿಕೆ ಮಾಡಿದರೆ, ಪ್ರತಿ ಮಗುವಿಗೆ ಸಿಗುವುದು ಕೇವಲ 2,596 ರೂಪಾಯಿ ಮಾತ್ರ. ಈ ನಿಧಿಯಿಂದ ನೀಡಲಾಗುವ ವೆಚ್ಚವು ವರ್ಷದಿಂದ ವರ್ಷಕ್ಕೆ ಭಾರಿ ಪ್ರಮಾಣದಲ್ಲಿ ಕುಸಿ...

 ಇರೋದು ಇದ್ದಂಗೆ * ಬಿವಿಸೀ ಬಿ ನಾಗೇಂದ್ರ ಅವರನ್ನು ಮತ್ತೆ ಸಚಿವ ಸಂಪುಟಕ್ಕೆ ಸೇರಿಸಿಕೊಳ್ಳುವ ಕಾಂಗ್ರೆಸ್‍ನ ನಿರ್ಧಾರವು ರಾಜಕೀಯವಾಗಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ ಮಾತ್ರವಲ್ಲ, ಇದು ಪಕ್ಷಕ್ಕೆ ಆತ್ಮಹತ್ಯಾಕಾರಿಯಾಗಿಯೂ ಪರಿಣಮಿಸಲಿದೆ. ವಾಲ್ಮೀಕಿ ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ನಿಗಮದ ಹಣದ ದುರುಪಯೋಗ ಪ್ರಕರಣದಲ್ಲಿ ನಾಗೇಂದ್ರ ಆರೋಪಿಯಾಗಿದ್ದು, ಅವರನ್ನು ಬಂಧಿಸಲಾಗಿತ್ತು. ಅವರ ವಿರುದ್ಧ ಗಂಭೀರ ಆರೋಪಗಳು ಕೇಳಿಬಂದಿರುವ ಸಂದರ್ಭದಲ್ಲಿ ಮತ್ತೆ ಸಚಿವ ಸ್ಥಾನ ನೀಡಿರುವುದು ಸಾರ್ವಜನಿಕರಲ್ಲಿ ಸಹಜವಾಗಿಯೇ ಅನುಮಾನ ಮೂಡಿಸಿದೆ. ಕಳಂಕಿತ ವ್ಯಕ್ತಿಯನ್ನು ಅವರು ನಿರ್ದೋಷಿಯೆಂದು ಸಾಬೀತಾಗುವ ಮುನ್ನವೇ ಮಂತ್ರಿಯಾಗಿ ಮರಳಿಸಿದ ಪಕ್ಷಕ್ಕೆ ಅದ್ಯಾವ ಅನಿಯಾರ್ಯತೆ ಇತ್ತು ಎಂಬುದು ಊಹಾಪೋಹಕ್ಕೆ ಎಡೆಮಾಡಿದೆ. ಪಕ್ಷದ ಪ್ರಮುಖರ ಚಾರಿತ್ರ್ಯದ ಮೇಲೆಯೂ ಕರಿಮೋಡ ಆವರಿಸುವಂತೆ ಮಾಡಿದೆ. ಆರೋಪ ಸಾಬೀತಾಗುವವರೆಗೆ ವ್ಯಕ್ತಿಯನ್ನು ಅಪರಾಧಿ ಎಂದು ಕರೆಯಲು ಸಾಧ್ಯವಿಲ್ಲ ಎಂಬ ಕಾನೂನು ತತ್ವ ಸರಿ. ಆದರೆ ಸಚಿವ ಸ್ಥಾನವು ಕೇವಲ ಕಾನೂನುಬದ್ಧ ಅರ್ಹತೆಯ ಪ್ರಶ್ನೆಯಲ್ಲ; ಅದು ಸಾರ್ವಜನಿಕ ನೈತಿಕತೆ ಮತ್ತು ರಾಜಕೀಯ ವಿಶ್ವಾಸದ ಪ್ರಶ್ನೆಯೂ ಹೌದು. ತನಿಖೆ ಎದುರಿಸುತ್ತಿರುವ ವ್ಯಕ್ತಿಯನ್ನು ಸಚಿವರನ್ನಾಗಿ ಮಾಡುವ ಮೂಲಕ ಕಾಂಗ್ರೆಸ್ ಯಾವ ಸಂದೇಶ ನೀಡುತ್ತಿದೆ ಎಂಬುದೇ ಮುಖ್ಯ. ಆರೋಪಗಳ ಬಗ್ಗೆ ಸಂಪೂರ್ಣ ತನಿಖೆ ಮುಗಿಯುವವರೆಗೆ ದೂರ ಉಳಿಯುವುದು ಪಕ್ಷದ ನೈತಿಕ...

 ಇಣುಕುನೋಟ * ಬಿವಿಸೀ 2027ರ ಜನಗಣತಿಯಲ್ಲಿ ಜಾತಿವಾರು ಜನಸಂಖ್ಯೆಯ ಮಾಹಿತಿಯನ್ನು ಸಂಗ್ರಹಿಸುವ ನಿರ್ಧಾರವು ಭಾರತದ ಸಾಮಾಜಿಕ ಮತ್ತು ಆಡಳಿತಾತ್ಮಕ ವ್ಯವಸ್ಥೆಯಲ್ಲಿ ಮಹತ್ವದ ಹೆಜ್ಜೆಯಾಗಿದೆ. ಆದರೆ ಜಾತಿಯ ಮಾಹಿತಿಯನ್ನು ಸಂಗ್ರಹಿಸುವುದು ಸಾಮಾನ್ಯ ಜನಸಂಖ್ಯೆಯನ್ನು ಎಣಿಸುವುದಕ್ಕಿಂತ ಹೆಚ್ಚು ಸಂಕೀರ್ಣವಾದ ಕೆಲಸವಾಗಿದೆ. ವ್ಯಕ್ತಿಯ ಜಾತಿಯ ಗುರುತು ಹಲವು ಹೆಸರುಗಳು, ಉಪಜಾತಿಗಳು, ಪ್ರಾದೇಶಿಕ ಹೆಸರುಗಳು ಮತ್ತು ಸಾಂಪ್ರದಾಯಿಕ ವೃತ್ತಿಗಳಿಗೆ ಸಂಬಂಧಿಸಿದ ಹೆಸರುಗಳ ಮೂಲಕ ವ್ಯಕ್ತವಾಗಬಹುದು. ಇದೇ ಕಾರಣದಿಂದ ಜಾತಿವಾರು ಅಂಕಿಅಂಶಗಳ ನಿಖರತೆ ಕುರಿತು ಹಲವು ಪ್ರಶ್ನೆಗಳು ಎದುರಾಗುತ್ತಿವೆ. ಒಂದೇ ಜಾತಿಗೆ ವಿವಿಧ ಪ್ರದೇಶಗಳಲ್ಲಿ ಬೇರೆ ಬೇರೆ ಹೆಸರುಗಳು ಇರಬಹುದು. ಕೆಲವರು ತಮ್ಮ ಮುಖ್ಯ ಜಾತಿಯ ಹೆಸರನ್ನು ಹೇಳಬಹುದು, ಮತ್ತೊಬ್ಬರು ಉಪಜಾತಿಯ ಹೆಸರನ್ನು ಹೇಳಬಹುದು. ಇನ್ನೂ ಕೆಲವರು ಸ್ಥಳೀಯವಾಗಿ ಬಳಕೆಯಲ್ಲಿರುವ ಸಮುದಾಯದ ಹೆಸರನ್ನು ಬಳಸಬಹುದು. ಒಂದೇ ಸಮುದಾಯಕ್ಕೆ ಹಲವು ಹೆಸರುಗಳು ಅಥವಾ ವಿಭಿನ್ನ ಬರವಣಿಗೆಯ ರೂಪಗಳು ಇರುವುದರಿಂದ, ನಂತರ ಈ ಎಲ್ಲ ಉತ್ತರಗಳನ್ನು ಒಂದೇ ವರ್ಗಕ್ಕೆ ಸೇರಿಸುವುದು ದೊಡ್ಡ ಸವಾಲಾಗುತ್ತದೆ. ಇದರ ಜೊತೆಗೆ, ಜಾತಿ ಮತ್ತು ಉಪಜಾತಿಯ ನಡುವಿನ ವ್ಯತ್ಯಾಸವೂ ಎಲ್ಲ ಸಂದರ್ಭಗಳಲ್ಲೂ ಸ್ಪಷ್ಟವಾಗಿರುವುದಿಲ್ಲ. ಕೆಲವು ಸಮುದಾಯಗಳು ತಮ್ಮನ್ನು ಪ್ರತ್ಯೇಕ ಜಾತಿಯಾಗಿ ಗುರುತಿಸಿಕೊಂಡರೆ, ಇತರರು ಅದೇ ಸಮುದಾಯವನ್ನು ದೊಡ್ಡ ಜಾತಿಯ...

 ಪ್ರಚಲಿತ * ಬಿವಿಸೀ ಜನಪ್ರಿಯ ಯೂಟ್ಯೂಬ್ ವಾಹಿನಿ `ದಿ ದೇಶ್‍ಭಕ್ತ್'ನ ಮುಖ್ಯಸ್ಥ ಆಕಾಶ್ ಬ್ಯಾನರ್ಜಿ ಅವರು ತಮ್ಮ ನೂತನ ವೀಡಿಯೊ ವಿಶ್ಲೇಷಣೆಯಲ್ಲಿ, ಕಳೆದ ದಶಕದಲ್ಲಿ ಆಡಳಿತಾರೂಢ ಭಾರತೀಯ ಜನತಾ ಪಾರ್ಟಿಯು ವಿರೋಧ ಪಕ್ಷಗಳು, ಪತ್ರಕರ್ತರು ಮತ್ತು ಭಿನ್ನಮತೀಯರನ್ನು ಕಟುವಾಗಿ ಟೀಕಿಸಲು ಬಳಸಿದ ವಿಶಿಷ್ಟ ರಾಜಕೀಯ ಪದಗಳು ಹಾಗೂ ಬ್ರಾಂಡಿಂಗ್ ತಂತ್ರಗಳನ್ನು ಸುದೀರ್ಘವಾಗಿ ಚರ್ಚಿಸಿದ್ದಾರೆ. ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಸಾರ್ವಜನಿಕ ಚರ್ಚೆಯ ದಿಕ್ಕನ್ನು ಬದಲಾಯಿಸಲು ಇಂತಹ ಪದಗಳನ್ನು ಹೇಗೆ ಅಸ್ತ್ರವಾಗಿ ಬಳಸಲಾಗುತ್ತದೆ ಎಂಬುದನ್ನು ಈ ವರದಿಯು ವಿವರವಾಗಿ ಬೆಳಕಿಗೆ ತರುತ್ತದೆ. ಆರಂಭದ ದಿನಗಳಲ್ಲಿ `ಟುಕ್ಡೇ ಟುಕ್ಡೇ ಗ್ಯಾಂಗ್' ಮತ್ತು `ಅರ್ಬನ್ ನಕ್ಸಲ್' ಎಂಬ ಕಟು ಪದಗಳನ್ನು ಬಳಸಿ ವಿಮರ್ಶಕರನ್ನು, ಹೋರಾಟಗಾರರನ್ನು ಹಾಗೂ ಸಿದ್ಧಾಂತವಾದಿಗಳನ್ನು ಟಾರ್ಗೆಟ್ ಮಾಡಲಾಗುತ್ತಿತ್ತು. ಆದರೆ ಕಾಲಕ್ರಮೇಣ ಈ ರಾಜಕೀಯ ಲೇಬಲಿಂಗ್ ತಂತ್ರವು ರೂಪಾಂತರಗೊಂಡು, ಈಗ `ದಿಮಾಗಿ ನಕ್ಸಲ್ಸ್' ಎಂಬ ಹೊಸ ಬ್ರಾಂಡ್‍ನೊಂದಿಗೆ ಸಾರ್ವಜನಿಕ ವಲಯದಲ್ಲಿ ಪ್ರತ್ಯಕ್ಷವಾಗಿದೆ. ಸರ್ಕಾರದ ನೀತಿಗಳನ್ನು ಪ್ರಶ್ನಿಸುವವರನ್ನು ರಾಷ್ಟ್ರವಿರೋಧಿಗಳು ಎಂಬಂತೆ ಬಿಂಬಿಸುವುದು ಈ ತಂತ್ರದ ಮೂಲ ಉದ್ದೇಶವಾಗಿದೆ. ಸರ್ಕಾರದ ಆಡಳಿತ ವೈಫಲ್ಯಗಳು, ನಿರುದ್ಯೋಗ, ಬೆಲೆ ಏರಿಕೆ, ಆರ್ಥಿಕ ಕುಸಿತ ಮತ್ತು ಮೂಲಸೌಕರ್ಯಗಳ ಕೊರತೆಯಂತಹ ಜನಸಾಮಾನ್ಯರ ನಿಜವಾದ ಸಮಸ್ಯೆಗಳ ಕುರಿತ...

 ಇಣುಕುನೋಟ * ಬಿವಿಸೀ ಶಾಪಿಂಗ್, ಬ್ಯಾಂಕಿಂಗ್ ಮತ್ತು ವಿವಿಧ ಸರ್ಕಾರಿ ಯೋಜನೆಗಳ ಲಾಭ ಪಡೆಯಲು ಗುರುತಿನ ಚೀಟಿ ಕಡ್ಡಾಯವಾಗಿರುವಾಗ, ದೇಶದ ಭವಿಷ್ಯವನ್ನು ನಿರ್ಧರಿಸುವ ಚುನಾವಣೆಯಲ್ಲಿ ಮತದಾನ ಮಾಡಲು ಮತದಾರರ ಭಾವಚಿತ್ರವಿರುವ ಅಧಿಕೃತ ಗುರುತಿನ ಚೀಟಿ ಏಕೆ ಕಡ್ಡಾಯವಾಗಿರಬಾರದು? ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ವಿಷಯವೊಂದು ಈಗ ಜಾಗತಿಕ ಮಟ್ಟದಲ್ಲಿ ದೊಡ್ಡ ಚರ್ಚೆಗೆ ಗ್ರಾಸವಾಗಿದೆ. ಅಮೆರಿಕದಲ್ಲಿ ಮತದಾನದ ನಿಯಮಗಳನ್ನು ಮತ್ತಷ್ಟು ಬಿಗಿಗೊಳಿಸಲು ಮತ್ತು ಮತದಾರರ ಗುರುತಿನ ಚೀಟಿಯನ್ನು ಕಡ್ಡಾಯಗೊಳಿಸಲು ಟ್ರಂಪ್ ಅವರು ಭಾರತದ ಚುನಾವಣಾ ವ್ಯವಸ್ಥೆಯನ್ನು ಮಾದರಿಯಾಗಿ ಉಲ್ಲೇಖಿಸಿದ್ದಾರೆ. ಟ್ರಂಪ್ ಪ್ರಕಾರ, ಭಾರತದ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರೊಂದಿಗಿನ ಸಂಭಾಷಣೆಯ ವೇಳೆ, ``ವಿಶ್ವದ ಅತ್ಯಂತ ಹಳೆಯ ಪ್ರಜಾಪ್ರಭುತ್ವ ರಾಷ್ಟ್ರವಾದ ಅಮೆರಿಕದಲ್ಲಿ ಮತದಾರರ ಗುರುತಿನ ಚೀಟಿ ಇಲ್ಲದೆ ಹಾಗೂ ಸೂಕ್ತ ಪುರಾವೆಗಳಿಲ್ಲದೆ ಮತದಾನ ಮಾಡಲು ಹೇಗೆ ಅವಕಾಶ ನೀಡಲಾಗುತ್ತದೆ?'' ಎಂದು ಆಯುಕ್ತರು ಅಚ್ಚರಿ ವ್ಯಕ್ತಪಡಿಸಿದ್ದರು. ಈ ಮಾತುಗಳು ಅಮೆರಿಕದ ಪ್ರಸ್ತುತ ಚುನಾವಣಾ ವ್ಯವಸ್ಥೆಯ ಲೋಪದೋಷಗಳನ್ನು ಎತ್ತಿ ತೋರಿಸುತ್ತವೆ ಎಂದು ಟ್ರಂಪ್ ಪ್ರತಿಪಾದಿಸಿದ್ದಾರೆ. ಭಾರತದಲ್ಲಿ ಇತ್ತೀಚೆಗೆ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಸುಮಾರು 64.6 ಕೋಟಿಗೂ ಅಧಿಕ ಜನರು ತಮ್ಮ ಹಕ್ಕನ್ನು ಚ...

 ಇತಿಹಾಸ * ಬಿವಿಸೀ ಧಾರ್ಮಿಕ ಪರಿಭಾಷೆಗಳು ಕಾಲಾಂತರದಲ್ಲಿ ಹೇಗೆ ತಪ್ಪು ತಿಳುವಳಿಕೆಗೆ ಒಳಗಾಗಬಹುದು ಎನ್ನುವುದಕ್ಕೆ `ಕಾಫಿರ್' ಎಂಬ ಶಬ್ದವು ಒಂದು ಪ್ರಮುಖ ಉದಾಹರಣೆಯಾಗಿದೆ. ಭಾಷಾಶಾಸ್ತ್ರದ ಪ್ರಕಾರ, ಅರೇಬಿಕ್ ಭಾಷೆಯಲ್ಲಿ `ಕಪರ್' ಎಂದರೆ `ಮುಚ್ಚುವುದು' ಅಥವಾ `ಮರೆಮಾಚುವುದು' ಎಂದರ್ಥ. ಉದಾಹರಣೆಗೆ, ಬೀಜವನ್ನು ಮಣ್ಣಿನಲ್ಲಿ ಮುಚ್ಚುವ ರೈತನನ್ನು ಹಳೆಯ ಅರೇಬಿಕ್‍ನಲ್ಲಿ `ಕಾಫಿರ್' ಎಂದು ಕರೆಯಲಾಗುತ್ತಿತ್ತು. ಧಾರ್ಮಿಕ ಸಂದರ್ಭದಲ್ಲಿ, ಈ ಪದದ ಅರ್ಥ `ದೈವಿಕ ಸತ್ಯವನ್ನು ಮುಚ್ಚಿಡುವವನು' ಅಥವಾ `ತಿರಸ್ಕರಿಸುವವನು' ಎಂದಾಗುತ್ತದೆ. ಇಸ್ಲಾಂ ಧರ್ಮದ ಮೂಲ ನಂಬಿಕೆಗಳಾದ ಏಕದೇವೋಪಾಸನೆ ಮತ್ತು ಪ್ರವಾದಿತ್ವವನ್ನು ಒಪ್ಪದವರನ್ನು ಧರ್ಮಶಾಸ್ತ್ರದ ಚೌಕಟ್ಟಿನಲ್ಲಿ ಗುರುತಿಸಲು ಈ ಪದವನ್ನು ಬಳಸಲಾಗುತ್ತದೆ. ಇದು ಕೇವಲ ಒಂದು ಧಾರ್ಮಿಕ ವರ್ಗೀಕರಣವೇ ಹೊರತು ನಿಂದನಾತ್ಮಕ ಪದವಲ್ಲ. ಆಧುನಿಕ ಜಗತ್ತಿನಲ್ಲಿ ಇಂತಹ ಧಾರ್ಮಿಕ ವರ್ಗೀಕರಣಗಳಿಗೆ ಸಾಂಪ್ರದಾಯಿಕ ಧರ್ಮಶಾಸ್ತ್ರ್ರದ ಚರ್ಚೆಗಳನ್ನು ಹೊರತುಪಡಿಸಿ, ನಾಗರಿಕ ಸಮಾಜದಲ್ಲಿ ಯಾವುದೇ ಕಾನೂನಾತ್ಮಕ ಅಥವಾ ಆಡಳಿತಾತ್ಮಕ ಪ್ರಸ್ತುತತೆ ಇರುವುದಿಲ್ಲ. ಇಂದಿನ ಪ್ರಜಾಪ್ರಭುತ್ವ ವ್ಯವಸ್ಥೆಯು ಧರ್ಮ, ಜೀವಿ ಮತ್ತು ನಂಬಿಕೆಗಳ ಆಧಾರದ ಮೇಲೆ ಅಲ್ಲ, ಬದಲಿಗೆ ಸಮಾನ ನಾಗರಿಕ ಹಕ್ಕುಗಳು ಮತ್ತು ಸಂವಿಧಾನದ ಆಧಾರದ ಮೇಲೆ ಕಾರ್ಯನಿರ್ವಹಿಸುತ್ತದೆ. ಆಧುನಿಕ ಇಸ್ಲಾಮಿಕ್ ವಿದ್ವಾಂಸರು ...

 ಆತ್ಮಸಾಕ್ಷಿ * ಬಿವಿಸೀ ಸಮಾಜದಲ್ಲಿ ದೊಡ್ಡ ದುರಂತಗಳು ಸಂಭವಿಸಿದಾಗ ಸಾಮಾನ್ಯವಾಗಿ ಕೇಳಿಬರುವ ಮಾತೊಂದು ಇದೆ - `ಹೀಗಾಯಿತು', `ಇದು ಆಗಿಬಿಟ್ಟಿತು', `ಇದನ್ನು ತಪ್ಪಿಸಲು ಸಾಧ್ಯವಾಗಲಿಲ್ಲ'. ಯುದ್ಧವಾಗಲಿ, ಪರಿಸರ ಮಾಲಿನ್ಯವಾಗಲಿ, ಪರೀಕ್ಷಾ ಅಕ್ರಮವಾಗಲಿ ಅಥವಾ ಸಾರ್ವಜನಿಕ ಆಸ್ತಿಪಾಸ್ತಿಗೆ ಹಾನಿಯಾಗಲಿ, ಘಟನೆಗಳ ಕುರಿತು ಮಾತನಾಡುವಾಗ ಅವುಗಳಿಗೆ ಕಾರಣರಾದ ವ್ಯಕ್ತಿಗಳು ಅಥವಾ ಸಂಸ್ಥೆಗಳಿಗಿಂತ ಘಟನೆಗಳನ್ನೇ ಹೆಚ್ಚು ಪ್ರಸ್ತಾಪಿಸಲಾಗುತ್ತದೆ. ಈ ರೀತಿಯ ಭಾಷೆಯ ಬಳಕೆ ನಿಧಾನವಾಗಿ ಹೊಣೆಗಾರಿಕೆಯನ್ನು ಮಸುಕಾಗಿಸುತ್ತದೆ. ಪರಿಣಾಮವಾಗಿ ತಪ್ಪು ಯಾರದ್ದು ಎಂಬ ಮೂಲ ಪ್ರಶ್ನೆಯೇ ಸಾರ್ವಜನಿಕ ಚರ್ಚೆಯಿಂದ ಮಾಯವಾಗುತ್ತದೆ. ಯಾವುದೇ ಅನಾಹುತ ತನ್ನಷ್ಟಕ್ಕೆ ತಾನೇ ಸಂಭವಿಸುವುದಿಲ್ಲ. ಪ್ರತಿಯೊಂದು ಘಟನೆಯ ಹಿಂದೆಯೂ ಒಂದು ನಿರ್ಧಾರ, ಒಂದು ನಿರ್ಲಕ್ಷ್ಯ, ಒಂದು ತಪ್ಪು ಯೋಜನೆ ಅಥವಾ ಜವಾಬ್ದಾರಿಯ ಕೊರತೆ ಇರುತ್ತದೆ. ಆದರೆ ಅಧಿಕಾರದ ವಲಯದಲ್ಲಿ ಹೊಣೆಗಾರಿಕೆಯನ್ನು ನೇರವಾಗಿ ಒಪ್ಪಿಕೊಳ್ಳುವ ಸಂಸ್ಕøತಿ ಕ್ಷೀಣಿಸಿದಂತೆ, ತಪ್ಪುಗಳಿಗೂ ವ್ಯಕ್ತಿಗಳಿಗೂ ನಡುವಿನ ಸಂಬಂಧವನ್ನು ಬೇರ್ಪಡಿಸುವ ಪ್ರಯತ್ನಗಳು ಹೆಚ್ಚುತ್ತಿವೆ. ಇದರಿಂದ ಘಟನೆಗಳ ಬಗ್ಗೆ ವಿಷಾದ ವ್ಯಕ್ತವಾಗುತ್ತದೆ; ಆದರೆ ಹೊಣೆ ಹೊರುವವರು ಮಾತ್ರ ಕಾಣಿಸುವುದಿಲ್ಲ. ಪರಿಸರ ಮಾಲಿನ್ಯವನ್ನು ಉದಾಹರಣೆಯಾಗಿ ತೆಗೆದುಕೊಂಡರೆ, ನದಿಗಳು ಕಲುಷಿತವಾಗುತ್ತವೆ, ಗಾಳಿ ವಿಷಮಯವಾಗುತ್ತದೆ, ಅರಣ್ಯಗಳ...

 ಶಿಕ್ಷಕರಿಲ್ಲದ, ವಿದ್ಯಾರ್ಥಿಗಳಿಲ್ಲದ ಅಥವಾ ಸಂಪೂರ್ಣವಾಗಿ ಮುಚ್ಚಲ್ಪಟ್ಟಿರುವ ಶಾಲೆಗಳನ್ನು ಪಾಕ್ ಸಿಂಧ್‍ನಲ್ಲಿರುವ ಜನರು `ಪ್ರೇತ ಶಾಲೆಗಳು' ಎಂದು ಕರೆಯುತ್ತಾರೆ.  ನೆರೆ-ಕೆರೆ * ಬಿವಿಸೀ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮೆಚ್ಚುಗೆ ಪಡೆದಿದ್ದರೂ, ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದಲ್ಲಿ ಪ್ರದರ್ಶನಕ್ಕೆ ಅವಕಾಶ ಸಿಗದ ಚಿತ್ರವೆಂದರೆ `ಘೋಸ್ಟ್ ಸ್ಕೂಲ್'. ನಿರ್ದೇಶಕಿ ಸೀಮಾಬ್ ಗುಲ್ ಅವರ ಈ ಚಿತ್ರವು ಶಿಕ್ಷಣ ವ್ಯವಸ್ಥೆಯ ವೈಫಲ್ಯ, ಗ್ರಾಮೀಣ ಬಡತನ ಮತ್ತು ಹೆಣ್ಣುಮಕ್ಕಳ ಶಿಕ್ಷಣದ ನಿರ್ಲಕ್ಷ್ಯವನ್ನು ಹೃದಯಸ್ಪರ್ಶಿಯಾಗಿ ಚಿತ್ರಿಸುತ್ತದೆ. ಟೊರೊಂಟೊ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡು ಪ್ರಶಂಸೆ ಗಳಿಸಿದ ಈ ಚಿತ್ರವು ಪಾಕಿಸ್ತಾನದ ಒಳನಾಡಿನಲ್ಲಿ ಮಾತ್ರ ವಿವಾದದ ಕೇಂದ್ರವಾಯಿತು. `ಘೋಸ್ಟ್ ಸ್ಕೂಲ್' ಎಂಬ ಶೀರ್ಷಿಕೆಯೇ ಪಾಕಿಸ್ತಾನದಲ್ಲಿರುವ ಸಾವಿರಾರು `ಪ್ರೇತ  ಶಾಲೆಗಳನ್ನು' ಸೂಚಿಸುತ್ತದೆ. ಸರ್ಕಾರದ ದಾಖಲೆಗಳಲ್ಲಿ ಶಾಲೆಗಳಾಗಿ ನೋಂದಾಯಿತವಾಗಿದ್ದರೂ, ವಾಸ್ತವದಲ್ಲಿ ಶಿಕ್ಷಕರಿಲ್ಲದ, ವಿದ್ಯಾರ್ಥಿಗಳಿಲ್ಲದ ಅಥವಾ ಸಂಪೂರ್ಣವಾಗಿ ಮುಚ್ಚಲ್ಪಟ್ಟಿರುವ ಶಾಲೆಗಳನ್ನು ಅಲ್ಲಿನ ಜನರು "ಭೂತ ಶಾಲೆಗಳು" ಎಂದು ಕರೆಯುತ್ತಾರೆ. ಭ್ರಷ್ಟಾಚಾರ, ನಿರ್ಲಕ್ಷ್ಯ ಮತ್ತು ಆಡಳಿತ ವೈಫಲ್ಯದ ಸಂಕೇತವಾಗಿ ಈ ಪದ ಬಳಕೆಯಲ್ಲಿದೆ. ಚಿತ್ರದ ಕಥೆ ಇದೇ ವಾಸ್ತವದ ಸುತ್ತ ಹೆಣೆಯಲ್ಪಟ್ಟಿದೆ. ಚಿತ್ರದಲ್ಲಿ ಸರ್ಕಾರದ ಆಡಳಿತ...

  * ಬಿವಿಸೀ ಪಕ್ಷ ಬದಲಾಯಿಸುವ ಶಾಸಕರು ಮತ್ತು ಸಂಸದರನ್ನು ನಿಯಂತ್ರಿಸುವ ಉದ್ದೇಶದಿಂದ ಜಾರಿಗೆ ಬಂದ ಪಕ್ಷಾಂತರ ನಿಷೇಧ ಕಾಯ್ದೆ ಇದೀಗ ಮತ್ತೊಮ್ಮೆ ತೀವ್ರ ಚರ್ಚೆಗೆ ಒಳಗಾಗಿದೆ. ಚುನಾಯಿತ ಪ್ರತಿನಿಧಿಗಳು ಜನರ ತೀರ್ಪನ್ನು ಬದಿಗೊತ್ತಿ ರಾಜಕೀಯ ಲಾಭಕ್ಕಾಗಿ ಪಕ್ಷ ಬದಲಾಯಿಸುವುದನ್ನು ತಡೆಯಬೇಕೆಂಬ ಉದ್ದೇಶದಿಂದ 1985ರಲ್ಲಿ ಸಂವಿಧಾನದ ಹತ್ತನೇ ಅನುಸೂಚಿಯನ್ನು ಸೇರಿಸಲಾಯಿತು. ಆದರೆ ನಾಲ್ಕು ದಶಕಗಳ ಅನುಭವದ ಬಳಿಕವೂ ಪಕ್ಷಾಂತರಕ್ಕೆ ಕಡಿವಾಣ ಹಾಕುವಲ್ಲಿ ಕಾಯ್ದೆ ಎಷ್ಟರಮಟ್ಟಿಗೆ ಯಶಸ್ವಿಯಾಗಿದೆ ಎಂಬ ಪ್ರಶ್ನೆ ಉಳಿದಿದೆ. 1967ರ ಸಾರ್ವತ್ರಿಕ ಚುನಾವಣೆಯ ನಂತರ ದೇಶದಲ್ಲಿ ಪದೇಪದೇ ಪಕ್ಷಾಂತರಗಳು ನಡೆದವು. ಸರ್ಕಾರಗಳು ಉರುಳಿದವು. ಶಾಸಕರ ಖರೀದಿ, ಆಮಿಷ ಮತ್ತು ಅಧಿಕಾರಕ್ಕಾಗಿ ಪಕ್ಷ ಬದಲಿಸುವ ಆರೋಪಗಳು ಸಾಮಾನ್ಯವಾದವು. ಹರಿಯಾಣದ ಶಾಸಕ ಗಯಾ ಲಾಲ್ ಅವರು ಒಂದೇ ದಿನದಲ್ಲಿ ಹಲವು ಬಾರಿ ಪಕ್ಷ ಬದಲಿಸಿದ್ದ ಘಟನೆ `ಆಯಾ ರಾಮ್, ಗಯಾ ರಾಮ್' ಎಂಬ ರಾಜಕೀಯ ನುಡಿಗಟ್ಟಿಗೆ ಕಾರಣವಾಯಿತು. ಇಂತಹ ರಾಜಕೀಯ ಅಸ್ಥಿರತೆಯನ್ನು ತಡೆಯಲು 1985ರಲ್ಲಿ 52ನೇ ಸಂವಿಧಾನ ತಿದ್ದುಪಡಿಯ ಮೂಲಕ ಪಕ್ಷಾಂತರ ನಿಷೇಧ ಕಾಯ್ದೆ ಜಾರಿಗೆ ಬಂತು. ಪಕ್ಷದ ಚಿಹ್ನೆಯ ಮೇಲೆ ಗೆದ್ದ ಸದಸ್ಯರು ಸ್ವಯಂಪ್ರೇರಿತವಾಗಿ ಪಕ್ಷದ ಸದಸ್ಯತ್ವ ತ್ಯಜಿಸಿದರೆ ಅನರ್ಹರಾಗಬಹುದು. ಪಕ್ಷದ ವಿಪ್‍ಗೆ ವಿರುದ್ಧವಾಗಿ ಮತ ಚಲಾಯಿಸುವುದು ಅಥವಾ ಮತದಾನದಿಂದ ದೂರ ಉಳಿಯುವುದೂ ಕೆಲವು ಸಂದರ್ಭಗಳಲ್ಲಿ ಅನರ್ಹತ...

  ಖುಲ್ಲಂಖುಲ್ಲಾ * ಬಿವಿಸೀ ನರೇಂದ್ರ ಮೋದಿ ನೇತೃತ್ವದ ಸರ್ಕಾರದ ದೊಡ್ಡ ಶಕ್ತಿ ಎಂದರೆ ತ್ವರಿತ ನಿರ್ಧಾರ ಕೈಗೊಳ್ಳುವ ಸಾಮಥ್ರ್ಯ ಎಂದು ಹಲವು ವರ್ಷಗಳಿಂದ ಹೇಳಲಾಗುತ್ತಿದೆ. ಆದರೆ ಇದೇ ವ್ಯವಸ್ಥೆಯ ದೊಡ್ಡ ದೌರ್ಬಲ್ಯವೂ ಈಗ ಗೋಚರಿಸುತ್ತಿದೆ. ಅಧಿಕಾರವನ್ನು ಪ್ರಧಾನಿಯಲ್ಲಿ ಅತಿಯಾಗಿ ಕೇಂದ್ರೀಕರಿಸಿ, ಬಲಿಷ್ಠವಾಗಿ ಮತ್ತು ಸ್ವತಂತ್ರವಾಗಿ ಕೆಲಸ ಮಾಡುವ ಸಚಿವರ ಬದಲಿಗೆ ರಾಜಕೀಯವಾಗಿ ಅವಲಂಬಿತ ತಂಡವನ್ನು ಕಟ್ಟಿದ ಪರಿಣಾಮ, ಆಡಳಿತದ ಹೊರೆ ಒಂದೇ ವ್ಯಕ್ತಿಯ ಮೇಲೆ ಹೆಚ್ಚುತ್ತಿದೆ. ಅದರ ಪರಿಣಾಮ ಸರ್ಕಾರದ ಕಾರ್ಯಕ್ಷಮತೆಯಲ್ಲೂ ಕಾಣಿಸಿಕೊಳ್ಳುತ್ತಿದೆ. ಬಲಿಷ್ಠ ಸಚಿವ ಸಂಪುಟ ಎಂದರೆ ಪ್ರಧಾನಿಯ ಮಾತನ್ನು ಮಾತ್ರ ಅನುಸರಿಸುವ ಸಚಿವರ `ಜೀ ಹುಜೂರ್' ಗುಂಪಲ್ಲ. ಪ್ರತಿಯೊಂದು ಇಲಾಖೆಯಲ್ಲೂ ವಿಷಯಜ್ಞಾನ, ಅನುಭವ, ನಿರ್ಧಾರ ಕೈಗೊಳ್ಳುವ ಧೈರ್ಯ ಮತ್ತು ಅಗತ್ಯವಿದ್ದಾಗ ಪ್ರಧಾನಿಯನ್ನೇ ಪ್ರಶ್ನಿಸುವ ಸಾಮಥ್ರ್ಯ ಹೊಂದಿರುವ ಸಚಿವರು ಇರಬೇಕು. ಆದರೆ ಅಧಿಕಾರದ ಕೇಂದ್ರೀಕರಣ ಹೆಚ್ಚಾದಂತೆ ಸಚಿವರ ಸ್ವಾಯತ್ತತೆ ಕುಗ್ಗುತ್ತದೆ. ಸಚಿವರು ತಮ್ಮ ಇಲಾಖೆಯ ಹೊಣೆ ಹೊರುವ ನಾಯಕರಾಗುವುದಕ್ಕಿಂತ ಪ್ರಧಾನಿಯ ರಾಜಕೀಯ ಸಂದೇಶವನ್ನು ಪ್ರತಿಧ್ವನಿಸುವ ವಕ್ತಾರರಾಗಿ ಉಳಿಯುವ ಅಪಾಯ ಹೆಚ್ಚುತ್ತದೆ. ಇದರ ಪರಿಣಾಮ ನೀತಿಗಳ ಗುಣಮಟ್ಟದ ಮೇಲೂ ಬೀಳುತ್ತದೆ. ಆರ್ಥಿಕತೆ, ಉದ್ಯೋಗ, ಕೃಷಿ, ಶಿಕ್ಷಣ, ಆರೋಗ್ಯ, ವಿದೇಶಾಂಗ ನೀತಿ ಅಥವಾ ಆಂತರಿಕ ಭದ್ರತೆ ಯಾವುದಾದರೂ ಇರಲಿ, ಸಂಕೀರ್ಣ ಸಮ...

  ಪ್ರಚಲಿತ * ಬಿವಿಸೀ ಬೆಂಗಳೂರಿನ ಹೋಟೆಲ್‍ಗಳ ಮೇಲೆ ನಡೆಯುತ್ತಿರುವ ದಾಳಿಗಳು ಕೆಲವೇ ಕೆಲವು ಅಡುಗೆಮನೆಗಳ ಅಶುಚಿತ್ವವನ್ನು ಬಯಲಿಗೆಳೆಯುವ ಕಸರತ್ತಾಗಿ ಮಾತ್ರ ಉಳಿದರೆ ಅದರ ಅರ್ಥವೇನು? ತಪಾಸಣೆ ನಡೆಸುವುದು, ದೋಷ ಪತ್ತೆಹಚ್ಚುವುದು, ಕೆಲವು ಪದಾರ್ಥಗಳನ್ನು ವಶಪಡಿಸಿಕೊಳ್ಳುವುದು ಮತ್ತು ದಂಡ ವಿಧಿಸುವುದು - ಇಷ್ಟಕ್ಕೇ ಆಹಾರ ಸುರಕ್ಷತೆಯ ಜವಾಬ್ದಾರಿ ಮುಗಿಯುತ್ತದೆಯೇ? ಜನರ ಪ್ಲೇಟಿಗೆ ಪ್ರತಿದಿನ ತಲುಪುವ ಆಹಾರ ಸುರಕ್ಷಿತವಾಗಿರುವಂತೆ ನೋಡಿಕೊಳ್ಳುವ ಶಾಶ್ವತ ವ್ಯವಸ್ಥೆ ಎಲ್ಲಿದೆ ಎಂಬ ಪ್ರಶ್ನೆಗೆ ಸರ್ಕಾರ ಉತ್ತರಿಸಬೇಕಿದೆ. ನಮ್ಮ ನಗರಗಳಲ್ಲಿ ಸಾವಿರಾರು ಹೋಟೆಲ್‍ಗಳು, ಉಪಾಹಾರಗೃಹಗಳು, ಬೇಕರಿಗಳು ಮತ್ತು ಆಹಾರ ಮಳಿಗೆಗಳು ಕಾರ್ಯನಿರ್ವಹಿಸುತ್ತಿವೆ. ಅವುಗಳಲ್ಲಿ ಪ್ರತಿಯೊಂದರಲ್ಲೂ ಸ್ವಚ್ಛತೆ, ಆಹಾರ ಸಂಗ್ರಹಣೆ, ನೀರಿನ ಗುಣಮಟ್ಟ, ಅಡುಗೆಮನೆಯ ನಿರ್ವಹಣೆ ಮತ್ತು ಸಿಬ್ಬಂದಿಯ ವೈಯಕ್ತಿಕ ಸ್ವಚ್ಛತೆ ಕಟ್ಟುನಿಟ್ಟಾಗಿ ಪಾಲನೆಯಾಗಬೇಕು. ಆದರೆ ತಪಾಸಣೆ ನಡೆದಾಗ ಮಾತ್ರ ಅವಧಿ ಮೀರಿದ ಪದಾರ್ಥಗಳು, ಅಸಮರ್ಪಕ ಸಂಗ್ರಹಣೆ ಮತ್ತು ಕೊಳಕು ಪರಿಸರ ಪತ್ತೆಯಾಗುವುದಾದರೆ, ಇಷ್ಟು ದಿನ ಮೇಲ್ವಿಚಾರಣೆ ಎಲ್ಲಿತ್ತು? ಇದು ಕೇವಲ ಹೋಟೆಲ್ ಮಾಲೀಕರ ನಿರ್ಲಕ್ಷ್ಯದ ಪ್ರಶ್ನೆಯಲ್ಲ. ಮೇಲ್ವಿಚಾರಣಾ ವ್ಯವಸ್ಥೆಯ ವೈಫಲ್ಯದ ಪ್ರಶ್ನೆಯೂ ಹೌದು. ಅಧಿಕಾರಿಗಳು ನಿಯಮಿತವಾಗಿ ಪರಿಶೀಲಿಸುತ್ತಿದ್ದರೆ, ನಿಯಮ ಉಲ್ಲಂಘನೆಗಳು ಮರುಮರು ನಡೆಯಲು ಹೇಗೆ ಸಾಧ್ಯ? ದೂರು ಬಂದ ನಂತರ ...

 ಫೀಡ್‍ಬ್ಯಾಕ್ ವಿವೇಕ್ ಉಪಾಧ್ಯಾಯ .......................... `ಸ್ಪಷ್ಟ ಬಹುಮತವಿದ್ದರೂ ಕಾಂಗ್ರೆಸ್ಸಿಗೆ ನೆಲೆಯಿಲ್ಲವೇ?' ಎಂಬ ಶೀರ್ಷಿಕೆಯಡಿ ರಘು ಮೊಗವೀರ ಅವರು ಬರೆದ ಲೇಖನ ಪರಿಣಾಮಕಾರಿಯಾಗಿತ್ತು. ಇರುವ ವಾಸ್ತವ ಪರಿಸ್ಥಿತಿಯನ್ನೇ ಅವರು ವಿಶ್ಲೇಷಿಸಿದ್ದಾರೆ. ಧನ್ಯವಾದಗಳು. ಅದೇ ವಿಷಯಕ್ಕೆ ಸಂಬಂಧಿಸಿ ನನ್ನ ಒಂದೆರಡು ವಿಚಾರಗಳನ್ನು ಹಂಚಿಕೊಳ್ಳಲು ಬಯಸುತ್ತೇನೆ.   ಕರ್ನಾಟಕದ ಜನರು ಕಾಂಗ್ರೆಸ್‍ಗೆ ಸ್ಪಷ್ಟ ಬಹುಮತ ನೀಡಿದ್ದು, ಸರ್ಕಾರವು ಸ್ಥಿರವಾಗಿ ಮತ್ತು ಪರಿಣಾಮಕಾರಿಯಾಗಿ ಆಡಳಿತ ನಡೆಸಲಿ ಎಂಬ ನಿರೀಕ್ಷೆಯಿಂದ. ಆದರೆ ಅಧಿಕಾರಕ್ಕೆ ಬಂದ ನಂತರದ ಬೆಳವಣಿಗೆಗಳನ್ನು ಗಮನಿಸಿದರೆ, ಸರ್ಕಾರದ ಮುಂದೆ ಈಗ ರಾಜಕೀಯ ಸ್ಥಿರತೆಗಿಂತ ಆಡಳಿತದ ಚುರುಕುತನವೇ ದೊಡ್ಡ ಸವಾಲಾಗಿ ಕಾಣುತ್ತಿದೆ. ಬಹುಮತದ ಬಲವಿದ್ದರೂ ಸರ್ಕಾರ ತನ್ನ ಹೆಜ್ಜೆಗಳನ್ನು ದೃಢವಾಗಿ ಇಡಲು ಏಕೆ ತಡ ಮಾಡುತ್ತಿದೆ ಎಂಬ ಪ್ರಶ್ನೆ ಸಹಜವಾಗಿಯೇ ಮೂಡುತ್ತದೆ. ಸಚಿವ ಸಂಪುಟ ವಿಸ್ತರಣೆಯ ಬಳಿಕ ಖಾತೆ ಹಂಚಿಕೆಯಲ್ಲಿ ಉಂಟಾದ ಗೊಂದಲ ಮತ್ತು ವಿಳಂಬವು ಸರ್ಕಾರದ ಒಳಗಿನ ಸಮನ್ವಯದ ಕೊರತೆಯನ್ನು ಬಹಿರಂಗಪಡಿಸಿದೆ. ಆಡಳಿತದ ಮೊದಲ ಹೆಜ್ಜೆಯಲ್ಲೇ ಇಂತಹ ಅಸ್ಪಷ್ಟತೆ ಕಂಡುಬಂದರೆ, ಮುಂದಿನ ದಿನಗಳಲ್ಲಿ ದೊಡ್ಡ ನಿರ್ಧಾರಗಳನ್ನು ಎಷ್ಟು ವೇಗವಾಗಿ ಕೈಗೊಳ್ಳಬಹುದು ಎಂಬ ಅನುಮಾನ ಮೂಡುವುದು ಸಹಜ. ಸರ್ಕಾರದೊಳಗಿನ ರಾಜಕೀಯ ಲೆಕ್ಕಾಚಾರಗಳು ಜನರ ಆಡಳಿತದ ಅಗತ್ಯಗಳಿಗಿಂತ ಮೇಲುಗೈ ಪಡೆಯಬ...

  * ಬಿವಿಸೀ ಪಶ್ಚಿಮ ಬಂಗಾಳದಲ್ಲಿ ತೃಣಮೂಲ ಕಾಂಗ್ರೆಸ್‍ನ ದೀರ್ಘಕಾಲದ ಆಡಳಿತವನ್ನು ಭ್ರಷ್ಟಾಚಾರ, ಸುಲಿಗೆ, ದಬ್ಬಾಳಿಕೆ ಮತ್ತು ರಾಜಕೀಯ ಆಶ್ರಿತ ವ್ಯವಸ್ಥೆಯ ಕಾರಣಕ್ಕೆ ಕಟುವಾಗಿ ಟೀಕಿಸುತ್ತ ಬಂದಿರುವ ಭಾರತೀಯ ಜನತಾ ಪಕ್ಷ ಈಗ ತನ್ನದೇ ಮನೆಯೊಳಗೆ ಅದೇ ಆರೋಪಗಳನ್ನು ಎದುರಿಸುತ್ತಿರುವುದು ವ್ಯಂಗ್ಯವೂ ಆತಂಕಕಾರಿಯೂ ಆಗಿದೆ. ಸುಲಿಗೆ, ಭ್ರಷ್ಟಾಚಾರ ಮತ್ತು ಅಕ್ರಮ ವಸೂಲಿಯ ಆರೋಪಗಳ ಹಿನ್ನೆಲೆಯಲ್ಲಿ 325ಕ್ಕೂ ಹೆಚ್ಚು ಕಾರ್ಯಕರ್ತರ ವಿರುದ್ಧ ಪಕ್ಷ ಶಿಸ್ತು ಕ್ರಮಕ್ಕೆ ಮುಂದಾಗಿರುವುದು ಸಂಘಟನೆಯೊಳಗೆ ಎಲ್ಲವೂ ಸರಿಯಿಲ್ಲ ಎಂಬುದನ್ನು ಬಹಿರಂಗಪಡಿಸಿದೆ. ತೃಣಮೂಲ ಕಾಂಗ್ರೆಸ್‍ನ ರಾಜಕೀಯ ಸಂಸ್ಕೃತಿ ಬಿಜೆಪಿಯೊಳಗೆ ನುಸುಳುತ್ತಿದೆ ಎಂಬ ಮಾತು ಕೇಳಿಬರುತ್ತಿರುವುದು ಇನ್ನಷ್ಟು ಗಂಭೀರ. ಏಕೆಂದರೆ ಅಧಿಕಾರದಲ್ಲಿರುವ ಪಕ್ಷವೊಂದರ ಕಾರ್ಯಕರ್ತರು ಸ್ಥಳೀಯ ಮಟ್ಟದಲ್ಲಿ ಪ್ರಭಾವ, ಭಯ ಮತ್ತು ರಾಜಕೀಯ ಸಂಪರ್ಕವನ್ನು ಬಳಸಿಕೊಂಡು ಹಣ ಸಂಪಾದಿಸುವ ಪ್ರವೃತ್ತಿ ಬೆಳೆಸಿಕೊಂಡರೆ, ಅದು ಕೇವಲ ವ್ಯಕ್ತಿಗಳ ತಪ್ಪಾಗಿ ಉಳಿಯುವುದಿಲ್ಲ. ಕ್ರಮೇಣ ಅದು ಪಕ್ಷದ ರಾಜಕೀಯ ಸಂಸ್ಕೃತಿಯ ಭಾಗವಾಗುತ್ತದೆ. ಬಿಜೆಪಿ ಈಗ ತೆಗೆದುಕೊಂಡಿರುವ ಕ್ರಮ ಸ್ವಾಗತಾರ್ಹ. ಆದರೆ ಅಮಾನತು, ಕಾರಣ ಕೇಳುವ ನೋಟಿಸ್ ಮತ್ತು ಸಂಘಟನಾ ಕ್ರಮಗಳು ಮಾತ್ರ ಸಾಕಾಗುವುದಿಲ್ಲ. ಆರೋಪಗಳ ಬಗ್ಗೆ ಪಾರದರ್ಶಕ ತನಿಖೆ ನಡೆಯಬೇಕು. ತಪ್ಪಿತಸ್ಥರೆಂದು ಸಾಬೀತಾದವರ ವಿರುದ್ಧ ಕಠಿಣ ಕ್ರಮ ಜರುಗಬೇಕು. ಪಕ್ಷದ ಪ್ರಭಾ...

 ಬಂಕಿಪುರ ಚುನಾವಣಾ ಫಲಿತಾಂಶ ಗುರುತಿಸಿದ ಪರಿಣಾಮ                                         ಬಂಕೀಪುರದಲ್ಲಿ ಗೆದ್ದ ಪ್ರಶಾಂತ ಕಿಶೋರ, ನರೇಂದ್ರ ಮೋದಿ ಧೂಮಕೇತು * ಬಿವಿಸೀ ಬಿಹಾರದ ಬಂಕಿಪುರ ಉಪಚುನಾವಣೆಯಲ್ಲಿ ಬಿಜೆಪಿ ಕಂಡ ಸೋಲನ್ನು ಕೇವಲ ಒಂದು ಕ್ಷೇತ್ರದ ಚುನಾವಣಾ ಫಲಿತಾಂಶವೆಂದು ತಳ್ಳಿಹಾಕಲು ಸಾಧ್ಯವಿಲ್ಲ. ಪಕ್ಷದ ಸಾಂಪ್ರದಾಯಿಕ ಬೆಂಬಲ ನೆಲೆಯಲ್ಲೇ ಅಸಮಾಧಾನದ ಸೂಚನೆಗಳು ಕಾಣಿಸಿಕೊಳ್ಳುತ್ತಿರುವುದು ಬಿಜೆಪಿಯ ಕೇಂದ್ರ ನಾಯಕತ್ವಕ್ಕೆ ಎಚ್ಚರಿಕೆಯ ಗಂಟೆಯಾಗಿದೆ. ವಿಶೇಷವಾಗಿ ಮೇಲ್ವರ್ಗದ ಮತದಾರರಲ್ಲಿ ಮೂಡುತ್ತಿರುವ ಅಸಮಾಧಾನವು ಉತ್ತರ ಪ್ರದೇಶದ ಮುಂಬರುವ ವಿಧಾನಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ಮಹತ್ವ ಪಡೆದಿದೆ. ವಿಶ್ವವಿದ್ಯಾಲಯ ಅನುದಾನ ಆಯೋಗದ ಸಮಾನತೆ ನಿಯಮಗಳು, ಪರೀಕ್ಷಾ ಪ್ರಶ್ನೆಪತ್ರಿಕೆ ಸೋರಿಕೆ ಮತ್ತು ವಿದ್ಯಾರ್ಥಿಗಳ ಭವಿಷ್ಯದ ಕುರಿತ ಆತಂಕಗಳು ಮೇಲ್ವರ್ಗದ ಕುಟುಂಬಗಳಲ್ಲಿ ರಾಜಕೀಯ ಅಸಮಾಧಾನಕ್ಕೆ ಕಾರಣವಾಗಿವೆ ಎಂಬುದು ಬಿಜೆಪಿಯೊಳಗಿನ ಮೌಲ್ಯಮಾಪನ. ಈ ನಿಯಮಗಳನ್ನು ಸಾಮಾಜಿಕ ತಾರತಮ್ಯವನ್ನು ತಡೆಯುವ ಉದ್ದೇಶದಿಂದ ರೂಪಿಸಲಾಗಿದ್ದರೂ, ಸಾಮಾನ್ಯ ವರ್ಗದ ವಿದ್ಯಾರ್ಥಿಗಳಿಗೆ ಅನ್ಯಾಯವಾಗಬಹುದು ಎಂಬ ಭಾವನೆ ಕೆಲವು ಸಮುದಾಯಗಳಲ್ಲಿ ಬಲವಾಗಿದೆ. ಇದರ ರಾಜಕೀಯ ಪರಿಣಾಮವನ್ನು...

 ಚಿಂತಾಜನಕ * ಬಿವಿಸೀ 2014ರ ಲೋಕಸಭಾ ಚುನಾವಣೆಗೆ ಮುನ್ನ ಭಾರತದ ರಾಜಕೀಯ ಚರ್ಚೆಯನ್ನು ಆವರಿಸಿದ್ದ ಪ್ರಮುಖ ವಿಷಯಗಳಲ್ಲಿ ಭ್ರಷ್ಟಾಚಾರವೂ ಒಂದು. ಆಗ ಆಡಳಿತದ ವಿರುದ್ಧ ಭ್ರಷ್ಟಾಚಾರದ ಆರೋಪಗಳು, ದೊಡ್ಡ ಹಗರಣಗಳ ವರದಿಗಳು ಮತ್ತು ಸಾರ್ವಜನಿಕ ಅಸಮಾಧಾನಗಳು ದೇಶವ್ಯಾಪಿ ಚರ್ಚೆಗೆ ಕಾರಣವಾಗಿದ್ದವು. ಅದರ ಪರಿಣಾಮವಾಗಿ ಭ್ರಷ್ಟಾಚಾರ ವಿರೋಧಿ ಭಾವನೆ ರಾಜಕೀಯ ಬದಲಾವಣೆಯ ಪ್ರಮುಖ ಶಕ್ತಿಯಾಗಿ ಪರಿಣಮಿಸಿತ್ತು. ಒಂದು ದಶಕದ ಬಳಿಕ ಇದೇ ಪ್ರಶ್ನೆ ಮತ್ತೊಮ್ಮೆ ಸಾರ್ವಜನಿಕ ಚರ್ಚೆಯ ಮಧ್ಯಕ್ಕೆ ಬಂದಿದೆ. ಆದರೆ ಈ ಬಾರಿ ಅದರ ಸ್ವರೂಪವೂ, ಜನರ ಪ್ರತಿಕ್ರಿಯೆಯೂ ಭಿನ್ನವಾಗಿದೆ. ಪರೀಕ್ಷಾ ಪ್ರಶ್ನೆಪತ್ರಿಕೆ ಸೋರಿಕೆ, ನೇಮಕಾತಿ ಅಕ್ರಮ, ಸರ್ಕಾರಿ ಯೋಜನೆಗಳ ಅನುಷ್ಠಾನದಅಲ್ಲಿನ ವೈಫಲ್ಯ, ಮೂಲಸೌಕರ್ಯ ಕಾಮಗಾರಿಗಳ ಗುಣಮಟ್ಟ, ನಿಯಂತ್ರಣ ಸಂಸ್ಥೆಗಳ ಕಾರ್ಯವೈಖರಿ ಮತ್ತು ಆಡಳಿತದ ಪಾರದರ್ಶಕತೆ ಕುರಿತು ಕೇಳಿಬರುತ್ತಿರುವ ಆರೋಪಗಳು ಭ್ರಷ್ಟಾಚಾರದ ಪ್ರಶ್ನೆಯನ್ನು ಮತ್ತೆ ಮುನ್ನೆಲೆಗೆ ತಂದಿವೆ. ವಿದ್ಯಾರ್ಥಿಗಳ ಪ್ರತಿಭಟನೆಗಳು ಮತ್ತು ವಿವಿಧ ವರ್ಗಗಳ ಅಸಮಾಧಾನಗಳು ಆಡಳಿತ ವ್ಯವಸ್ಥೆಯ ಮೇಲಿನ ನಂಬಿಕೆಯ ಬಗ್ಗೆ ಪ್ರಶ್ನೆಗಳನ್ನು ಎತ್ತಿವೆ. ಆದರೆ 2011ರಂತೆ ದೇಶವ್ಯಾಪಿ ಭ್ರಷ್ಟಾಚಾರ ವಿರೋಧಿ ಚಳವಳಿ ಏಕೆ ರೂಪುಗೊಳ್ಳುತ್ತಿಲ್ಲ ಎಂಬುದು ಹೆಚ್ಚು ಮಹತ್ವದ ಪ್ರಶ್ನೆ. ಅಂದಿನ ಸಂದರ್ಭದಲ್ಲಿ ಜನಸಾಮಾನ್ಯರ ನಡುವೆ ಭ್ರಷ್ಟಾಚಾರದ ವಿರುದ್ಧ ತೀವ್ರ ಆಕ್ರೋಶ ಕಂಡುಬಂದಿತ್ತು...

 ಜನಾಭಿಪ್ರಾಯ ರೂಪಿಸುವÀ ವ್ಯವಸ್ಥಿತ ಜಾಲದ ಅನಾವರಣ ಹೂರಣ * ಬಿವಿಸೀ ಪ್ರಧಾನಿ ನರೇಂದ್ರ ಮೋದಿ ಅವರ ಸುತ್ತಲಿನ ಸಾರ್ವಜನಿಕ ಚಿತ್ರಣ ಮತ್ತು ರಾಜಕೀಯ ಕಥನಗಳನ್ನು ರೂಪಿಸುವಲ್ಲಿ `ಬ್ಲೂಕ್ರಾಫ್ಟ್' ಸಂಸ್ಥೆಯ ಪಾತ್ರದ ಕುರಿತು ಹಲವು ಪ್ರಶ್ನೆಗಳು ಎದ್ದಿವೆ. ಸಂಸ್ಥೆ ತನ್ನನ್ನು ಸಂಶೋಧನೆ, ನೀತಿ ರೂಪಣೆ, ಮಾಹಿತಿ ಪ್ರಸಾರ ಮತ್ತು ಸಾಮಾಜಿಕ ಜಾಗೃತಿ ಕ್ಷೇತ್ರಗಳಲ್ಲಿ ಕಾರ್ಯನಿರ್ವಹಿಸುವ ಸಂಸ್ಥೆಯಾಗಿ ಪರಿಚಯಿಸಿಕೊಂಡಿದೆ. ಆದರೆ ಅದರೊಂದಿಗೆ ಸಂಪರ್ಕ ಹೊಂದಿರುವ ಹಲವು ವೇದಿಕೆಗಳು ಮತ್ತು ವ್ಯಕ್ತಿಗಳ ಚಟುವಟಿಕೆಗಳು ರಾಜಕೀಯ ಕಥನ ನಿರ್ಮಾಣದ ಮತ್ತೊಂದು ಮುಖವನ್ನು ತೆರೆದಿಡುತ್ತವೆ. ಮೋದಿ ಅವರ ಆಡಳಿತ, ವ್ಯಕ್ತಿತ್ವ ಮತ್ತು ವಿವಿಧ ಯೋಜನೆಗಳನ್ನು ಜನರ ಮುಂದೆ ನಿರ್ದಿಷ್ಟ ರೀತಿಯಲ್ಲಿ ಪರಿಚಯಿಸುವ ಹಲವು ಬರಹಗಳು, ಪುಸ್ತಕಗಳು ಮತ್ತು ಪ್ರಚಾರ ಚಟುವಟಿಕೆಗಳ ಹಿಂದೆ ಬ್ಲೂಕ್ರಾಫ್ಟ್‍ನಂತಹ ಸಂಸ್ಥೆಗಳ ಕೆಲಸವಿದೆ ಎಂಬುದು ಗಮನಾರ್ಹ. ವಿವಿಧ ಮಾಧ್ಯಮ ವೇದಿಕೆಗಳು, ಸಾಮಾಜಿಕ ಜಾಲತಾಣಗಳು ಮತ್ತು ಪ್ರಕಟಣೆಗಳ ಮೂಲಕ ಒಂದೇ ರೀತಿಯ ರಾಜಕೀಯ ಸಂದೇಶವನ್ನು ನಿರಂತರವಾಗಿ ಜನರ ಮುಂದೆ ತಲುಪಿಸುವ ವ್ಯವಸ್ಥೆಯೊಂದು ರೂಪುಗೊಂಡಿದೆ. ಲಡಾಖ್‍ನಲ್ಲಿ ನಡೆದ ಪ್ರತಿಭಟನೆ ಇದಕ್ಕೆ ಒಂದು ಪ್ರಮುಖ ಉದಾಹರಣೆಯಾಗಿ ಕಾಣಿಸುತ್ತದೆ. ಸೋನಂ ವಾಂಗ್‍ಚುಕ್ ನೇತೃತ್ವದಲ್ಲಿ ನಡೆದ ಹೋರಾಟದ ಸಂದರ್ಭದಲ್ಲಿ ರಾಜ್ಯ ಸ್ಥಾನಮಾನ, ಉದ್ಯೋಗಾವಕಾಶ ಮತ್ತು ಪರಿಸರ ಸಂರಕ್ಷಣೆಯಂತಹ ಮೂಲ ಬೇಡಿಕೆಗಳ...

 ಸೀಳುನೋಟ * ಬಿವಿಸೀ ಕಳೆದ ಒಂದು ದಶಕದಿಂದ ರಾಷ್ಟ್ರೀಯ ರಾಜಕಾರಣದಲ್ಲಿ ಅಜೇಯ ಶಕ್ತಿಯಾಗಿ ಹೊರಹೊಮ್ಮಿದ್ದ ಭಾರತೀಯ ಜನತಾ ಪಕ್ಷ ಈಗ ಹಲವು ರಾಜ್ಯಗಳಲ್ಲಿ ಸವಾಲುಗಳನ್ನು ಎದುರಿಸುತ್ತಿದೆ. ಲೋಕಸಭೆಯಲ್ಲಿ ಅತಿದೊಡ್ಡ ಪಕ್ಷವಾಗಿ ಉಳಿದಿದ್ದರೂ ಹಿಂದಿನಂತೆಯೇ ಏಕಪಕ್ಷೀಯ ಪ್ರಾಬಲ್ಯವನ್ನು ಉಳಿಸಿಕೊಳ್ಳುವುದು ಕಷ್ಟವಾಗುತ್ತಿದೆ ಎಂಬ ಸೂಚನೆಗಳು ಇತ್ತೀಚಿನ ರಾಜಕೀಯ ಬೆಳವಣಿಗೆಗಳಿಂದ ಸ್ಪಷ್ಟವಾಗಿವೆ. ಕರ್ನಾಟಕದಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬಂದ ಬಳಿಕ ಬಿಜೆಪಿ ಸಂಘಟನೆ ಇನ್ನೂ ಸಂಪೂರ್ಣವಾಗಿ ಚೇತರಿಸಿಕೊಂಡಿಲ್ಲ. ಮಹಾರಾಷ್ಟ್ರದಲ್ಲಿ ಮಿತ್ರಪಕ್ಷಗಳೊಂದಿಗೆ ಅಧಿಕಾರದಲ್ಲಿದ್ದರೂ ಒಳಜಗಳ ಮತ್ತು ನಾಯಕತ್ವದ ಪೈಪೆÇೀಟಿ ಮುಂದುವರಿದಿದೆ. ಹರಿಯಾಣ ಹಾಗೂ ಇತರ ಕೆಲವು ರಾಜ್ಯಗಳಲ್ಲೂ ಸ್ಥಳೀಯ ಮಟ್ಟದಲ್ಲಿ ಅಸಮಾಧಾನಗಳು ವ್ಯಕ್ತವಾಗುತ್ತಿವೆ. ಇಂತಹ ಬೆಳವಣಿಗೆಗಳು ಪಕ್ಷದ ಬಲವಾದ ಸಂಘಟನೆಗೂ ಸವಾಲುಗಳನ್ನು ಸೃಷ್ಟಿಸುತ್ತಿವೆ. ಬಿಜೆಪಿಯ ದೊಡ್ಡ ಶಕ್ತಿ ಎಂದರೆ ಪ್ರಧಾನಿ ನರೇಂದ್ರ ಮೋದಿ ಅವರ ಜನಪ್ರಿಯತೆ ಮತ್ತು ರಾಷ್ಟ್ರೀಯತೆಯ ರಾಜಕೀಯ. ಆದರೆ ಕೇವಲ ಜನಪ್ರಿಯ ನಾಯಕತ್ವದ ಮೇಲೆ ಮಾತ್ರ ಚುನಾವಣೆಗಳನ್ನು ಗೆಲ್ಲುವುದು ಯಾವಾಗಲೂ ಸಾಧ್ಯವಿಲ್ಲ. ರಾಜ್ಯಗಳಲ್ಲಿನ ಸ್ಥಳೀಯ ಸಮಸ್ಯೆಗಳು, ರೈತರ ಅಸಮಾಧಾನ, ನಿರುದ್ಯೋಗ, ಬೆಲೆ ಏರಿಕೆ, ಅಭ್ಯರ್ಥಿಗಳ ಆಯ್ಕೆ ಮತ್ತು ಸ್ಥಳೀಯ ನಾಯಕತ್ವದ ಕೊರತೆ ಮತದಾರರ ನಿರ್ಧಾರವನ್ನು ಬದಲಾಯಿಸಬಲ್ಲ ಅಂಶಗಳಾಗಿವೆ. ಪಕ್ಷದೊಳಗಿನ ಭಿನ್ನಾಭಿಪ...

 ವಿಶ್ಲೇಷಣೆ * ಬಿವಿಸೀ ನವದೆಹಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಆಡಳಿತಾವಧಿಯಲ್ಲಿ ಉದ್ಯೋಗ ಸೃಷ್ಟಿಯ ಭರವಸೆಗಳು ಮತ್ತು ದೇಶದ ವಾಸ್ತವಿಕ ಉದ್ಯೋಗ ಪರಿಸ್ಥಿತಿಯ ಕುರಿತು ಪ್ರಕಟವಾಗಿರುವ ಸವಿಸ್ತಾರ ವಿಶ್ಲೇಷಣೆ ಇಲ್ಲಿದೆ. ಖಾಸಗಿ ರಂಗ ಹಾಗೂ ಸರ್ಕಾರಿ ವಲಯಗಳ ಅಂಕಿಅಂಶಗಳು, ನಿಯತಕಾಲಿಕ ಕಾರ್ಮಿಕ ಬಲ ಸಮೀಕ್ಷೆ ವರದಿಗಳು, ಮಹಾಲೇಖಪಾಲರ ಪರಿಶೋಧನಾ ವರದಿಗಳು ಮತ್ತು ಸಂಸತ್ತಿನ ಅಧಿಕೃತ ಮಾಹಿತಿಗಳನ್ನು ಆಧಾರವಾಗಿಟ್ಟುಕೊಂಡು ಈ ವಿಶ್ಲೇಷಣೆ ನಡೆಸಲಾಗಿದೆ. 1. ಪದವೀಧರರ ನಿರುದ್ಯೋಗ   ದೇಶದಲ್ಲಿ ಹಿಂದೆಂದಿಗಿಂತಲೂ ಹೆಚ್ಚು ವಿದ್ಯಾವಂತ ಯುವಜನತೆಯಿದ್ದಾರೆ. ಆದರೆ ದೇಶದ ಒಟ್ಟು ನಿರುದ್ಯೋಗಿಗಳ ಪೈಕಿ ಮೂರನೇ ಎರಡರಷ್ಟು ಭಾಗದಷ್ಟು ಕೊಡುಗೆ ಪದವೀಧರರದ್ದಾಗಿದೆ. ಉನ್ನತ ಶಿಕ್ಷಣ ಪಡೆದರೂ ಸೂಕ್ತ ಹಾಗೂ ಕಾಯಂ ಉದ್ಯೋಗಗಳು ಸಿಗದೆ ಯುವಕರು ತಾತ್ಕಾಲಿಕ ಮತ್ತು ಕಡಿಮೆ ವೇತನದ ಕೆಲಸಗಳಿಗೆ ಶರಣಾಗುತ್ತಿದ್ದಾರೆ. ಆರ್ಥಿಕ ಬೆಳವಣಿಗೆಯ ದರ ಹೆಚ್ಚುತ್ತಿದ್ದರೂ ಅದಕ್ಕೆ ತಕ್ಕಂತೆ ಉದ್ಯೋಗಾವಕಾಶಗಳು ಹೆಚ್ಚುತ್ತಿಲ್ಲದಿರುವುದು ಬಿಕ್ಕಟ್ಟನ್ನು ತೀವ್ರಗೊಳಿಸಿದೆ. ಜೊತೆಗೆ, ಮಾರುಕಟ್ಟೆಯ ಇಂದಿನ ಅಗತ್ಯಗಳಿಗೆ ತಕ್ಕಂತೆ ಶೈಕ್ಷಣಿಕ ಪಠ್ಯಕ್ರಮಗಳು ನವೀಕರಣಗೊಳ್ಳದಿರುವುದು ಕೂಡ ಪದವೀಧರರು ಉದ್ಯೋಗದಿಂದ ವಂಚಿತರಾಗಲು ಪ್ರಮುಖ ಕಾರಣವಾಗಿದೆ. ಕೌಶಲ್ಯ ಭಾರತ  ಪ್ರಧಾನ ಮಂತ್ರಿ ಕೌಶಲ್ಯ ವಿಕಾಸ ಯೋಜನೆ ಕುರಿತಂತೆ ಮಹಾಲೇಖಪಾಲರು ನಡೆಸಿದ ತನಿಖಾ ...

 * ಬಿವಿಸೀ                                                                                 ತುಕಾರಾಮ್ ಮುಂಢೆ  ಹಿರಿಯ ಹಣಕಾಸು ಪತ್ರಕರ್ತೆ ಸುಚೇತಾ ದಲಾಲ್ ತಮ್ಮ ಇತ್ತೀಚಿನ ವಿಡಿಯೊದಲ್ಲಿ ಒಂದು ಮಹತ್ವದ ವಿಚಾರವನ್ನು ಮುಂದಿಡುತ್ತಾರೆ. ಅವರ ಪ್ರಕಾರ, ಯಾವುದೇ ಕ್ಷೇತ್ರದಲ್ಲಿ ಸುಧಾರಣೆ ತರಲು ಹೊಸ ಕಾನೂನುಗಳೇ ಬೇಕೆಂದಿಲ್ಲ. ಈಗಾಗಲೇ ಇರುವ ಕಾನೂನುಗಳನ್ನು ಕಟ್ಟುನಿಟ್ಟಾಗಿ, ಪಕ್ಷಪಾತವಿಲ್ಲದೆ ಜಾರಿಗೆ ತರುವ ಒಬ್ಬ ಪ್ರಾಮಾಣಿಕ ಅಧಿಕಾರಿ ಇದ್ದರೂ ಸಾಕು. ಇದನ್ನೇ ಅವರು `ತುಕಾರಾಮ್ ಮುಂಢೆ ಎಫೆಕ್ಟ್' ಎಂದು ವಿವರಿಸುತ್ತಾರೆ. ಮಹಾರಾಷ್ಟ್ರದಲ್ಲಿ ಆಹಾರ ಮತ್ತು ಔಷಧ ಆಡಳಿತ ಇಲಾಖೆಯ ಆಯುಕ್ತರಾಗಿ ಅಧಿಕಾರ ಸ್ವೀಕರಿಸಿದ ಐಎಎಸ್ ಅಧಿಕಾರಿ ತುಕಾರಾಮ್ ಮುಂಢೆ, ಆಹಾರ ಸುರಕ್ಷತಾ ಕಾನೂನುಗಳನ್ನು ಕಾಗದದಲ್ಲಷ್ಟೇ ಉಳಿಯದಂತೆ ಮಾಡಿದರು. ರಾಜ್ಯದ ಪ್ರಸಿದ್ಧ ಹೋಟೆಲ್‍ಗಳು, ಕ್ಲಬ್‍ಗಳು, ಸಿಹಿ ಅಂಗಡಿಗಳು, ಹಾಲು ಉತ್ಪಾದನಾ ಘಟಕಗಳು, ಪನೀರ್ ತಯಾರಿಕಾ ಕೇಂದ್ರಗಳು ಸೇರಿದಂತೆ ದೊಡ್ಡ ದೊಡ್ಡ ಸಂಸ್ಥೆಗಳ ಮೇಲೆಯೇ ದಿಢೀರ್ ದಾಳಿ ನಡೆಸ...

 * ಬಿವಿಸೀ ಭಾರತದಲ್ಲಿ ಸೂಕ್ತ ದತ್ತಾಂಶ ಗೌಪ್ಯತೆ ಹಾಗೂ ಸೈಬರ್ ಭದ್ರತಾ ಕಾಯ್ದೆಗಳ ಕೊರತೆಯ ನಡುವೆ, ಸರ್ಕಾರವು ನಾಗರಿಕರ ಮೇಲೆ ತಂತ್ರಜ್ಞಾನದ ಮೂಲಕ ನಿರಂತರ ಮತ್ತು ನಿಯಂತ್ರಣವಿಲ್ಲದ ಕಣ್ಗಾವಲು ಇಡುತ್ತಿದೆ. ಜಂತರ್ ಮಂತರ್ ಹಾಗೂ ರೈತರ ಪ್ರತಿಭಟನೆಗಳಂತಹ ಸ್ಥಳಗಳಲ್ಲಿ ದೆಹಲಿ ಮತ್ತು ಹರಿಯಾಣ ಪೆÇಲೀಸರು ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಬಳಸುತ್ತಿದ್ದಾರೆ. ಕ್ಯಾಮೆರಾ ಡ್ರೋನ್‍ಗಳು, ನೈಜ ಸಮಯದಲ್ಲಿ ಮುಖ ಗುರುತಿಸುವ ತಂತ್ರಜ್ಞಾನ, ಸ್ವಯಂಚಾಲಿತ ವಾಹನ ಸಂಖ್ಯೆ ಗುರುತಿಸುವಿಕೆ ಮತ್ತು ಕೃತಕ ಬುದ್ಧಿಮತ್ತೆಯ ಕನ್ನಡಿಗಳನ್ನು ಬಳಸಿ ಪ್ರತಿಭಟನಾಕಾರರ ಮುಖದ ದತ್ತಾಂಶ ಹಾಗೂ ಮಾಹಿತಿಯನ್ನು ಸಂಗ್ರಹಿಸಲಾಗುತ್ತಿದೆ. ಇತ್ತೀಚೆಗೆ ಸೋನಮ್ ವಾಂಗ್ಚುಕ್ ಅವರ ಪ್ರತಿಭಟನೆಯ ಸಂದರ್ಭದಲ್ಲಿ, ಸ್ಥಳದಲ್ಲಿದ್ದ ಹಲವು ವಿದ್ಯಾರ್ಥಿ ನಾಯಕರು ಹಾಗೂ ಹೋರಾಟಗಾರರ ಮೊಬೈಲ್ ಫೆÇೀನ್‍ಗಳನ್ನು ಸುಮಾರು ಎರಡರಿಂದ ಮೂರು ಗಂಟೆಗಳ ಕಾಲ ಬಲವಂತವಾಗಿ ಲಾಕ್ ಮಾಡಿ, ಅವರ ಸಂವಹನವನ್ನು ಸಂಪೂರ್ಣವಾಗಿ ಕಡಿತಗೊಳಿಸಲಾಗಿತ್ತು ಎಂಬ ಆರೋಪವಿದೆ. ಇದರೊಂದಿಗೆ ಪ್ರತಿಭಟನಾಕಾರರನ್ನು ಬೆಂಬಲಿಸುವ ಮತ್ತು ಸರ್ಕಾರದ ವಿರುದ್ಧ ಧ್ವನಿ ಎತ್ತುವ ವಿದ್ಯಾರ್ಥಿ ಸಂಘಟನೆಗಳ ಸಾಮಾಜಿಕ ಜಾಲತಾಣಗಳ ಖಾತೆಗಳನ್ನು ಅಮಾನತುಗೊಳಿಸುವುದು, ಪ್ರಸಾರ ತಡೆಯುವುದು ಹಾಗೂ ವಿಡಿಯೋಗಳನ್ನು ಸಂವೇದನಾಶೀಲ ವಿಷಯ ಎಂದು ವಿಭಾಗಿಸಿ ವ್ಯಾಪ್ತಿಯನ್ನು ಕಡಿಮೆ ಮಾಡುವ ಕೆಲಸ ನಡೆಯುತ್ತಿದೆ. ಜವಾಹರಲಾಲ್ ನೆಹರೂ ವಿಶ...

  ತೂಗುಕತ್ತಿ * ಬಿವಿಸೀ ಕೇಂದ್ರ ಶಿಕ್ಷಣ ಸಚಿವರಾಗಿದ್ದ ಧಮೇರ್ಂದ್ರ ಪ್ರಧಾನ್ ಅವರ ಸಚಿವ ಸ್ಥಾನ ಬಲಿಯಾದ ತಕ್ಷಣವೇ, ಈಗ ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವ ನಿತಿನ್ ಗಡ್ಕರಿ ಅವರ ರಾಜೀನಾಮೆಗೂ ದೇಶಾದ್ಯಂತ ಅತ್ಯಂತ ತೀವ್ರ ಸ್ವರೂಪದ ಒತ್ತಡ ಮತ್ತು ಆಕ್ರೋಶ ಮುಗಿಲುಮುಟ್ಟಿದೆ. ಕೋಟ್ಯಂತರ ವಾಹನ ಮಾಲೀಕರ ಜೇಬಿಗೆ ಕನ್ನ ಹಾಕುತ್ತಿರುವ ಇ20 ಇಂಧನ ನೀತಿ ಮತ್ತು ನಿರಂತರವಾಗಿ ಬಯಲಾಗುತ್ತಿರುವ ಮೂಲಸೌಕರ್ಯ ವೈಫಲ್ಯಗಳು ಗಡ್ಕರಿ ಅವರ ಕುರ್ಚಿಯನ್ನು ಅಲ್ಲಾಡಿಸಲು ತೊಡಗಿವೆ. ಕೇಂದ್ರ ಸರ್ಕಾರವು ಯಾವುದೇ ಪೂರ್ವಸಿದ್ದತೆಯಿಲ್ಲದೆ ಏಕಾಏಕಿ ದೇಶದಾದ್ಯಂತ ಶೇಕಡಾ 20ರಷ್ಟು ಎಥನಾಲ್ ಮಿಶ್ರಿತ ಪೆಟ್ರೋಲ್ ಜಾರಿಗೆ ತಂದಿರುವುದು ಸಾರ್ವಜನಿಕರ ಮೇಲಿನ ನೇರ ಪ್ರಹಾರವಾಗಿದೆ. 2023ಕ್ಕಿಂತ ಮುಂಚಿತವಾಗಿ ರಸ್ತೆಗಿಳಿದ ಕೋಟ್ಯಂತರ ಕಾರು ಮತ್ತು ದ್ವಿಚಕ್ರ ವಾಹನಗಳ ಎಂಜಿನ್‍ಗಳು ಈ ಎಥನಾಲ್ ಇಂಧನದಿಂದಾಗಿ ನಾಶವಾಗುತ್ತಿವೆ. ವಾತಾವರಣದ ತೇವಾಂಶವನ್ನು ಎಳೆದುಕೊಳ್ಳುವ ಎಥನಾಲ್ ಗುಣದಿಂದಾಗಿ ಇಂಧನ ಟ್ಯಾಂಕ್‍ಗಳಲ್ಲಿ ನೀರು ಶೇಖರಣೆಯಾಗಿ ತುಕ್ಕು ಹಿಡಿಯುತ್ತಿದೆ, ಅತ್ಯಂತ ದುಬಾರಿ ಬಿಡಿಭಾಗಗಳು ಹಾಳಾಗುತ್ತಿವೆ ಮತ್ತು ವಾಹನಗಳ ಮೈಲೇಜ್ ಕನಿಷ್ಠ ಶೇಕಡಾ 5ರಿಂದ 10ರಷ್ಟು ದಿಢೀರ್ ಕುಸಿದಿದೆ. ಆಟೋಮೊಬೈಲ್ ಸಂಸ್ಥೆಗಳ ಜೊತೆ ತಾಂತ್ರಿಕ ಸಮನ್ವಯ ಸಾಧಿಸದೆ, ಗ್ರಾಹಕರಿಗೆ ಯಾವುದೇ ಪರ್ಯಾಯ ಇಂಧನದ ಆಯ್ಕೆಯನ್ನೇ ನೀಡದೆ ಈ ಅಪಕ್ವ ನೀತಿಯನ್ನು ದೇಶದ ಜನರ ಮೇಲೆ...