ಮಂಗಳೂರಿನಲ್ಲಿ ಸಂಪುಟ ಸಭೆ - ಘೋಷಣೆ ಜೋರು, ಕರಾವಳಿಯ ನೈಜ ಗಾಯಕ್ಕೆ ಮದ್ದಿಲ್ಲ
ಇದ್ದುದು ಇದ್ದಹಾಗೆ * ಬಿವಿಸೀ ಇತಿಹಾಸದಲ್ಲಿ ಮೊದಲ ಬಾರಿಗೆ ಮಂಗಳೂರಿನಲ್ಲಿ ಕರ್ನಾಟಕ ಸಂಪುಟ ಸಭೆ ನಡೆಯಿತು. ರೂ 32,611 ಕೋಟಿ ಪ್ಯಾಕೇಜ್, ತುಳುವಿಗೆ ದ್ವಿತೀಯ ಆಡಳಿತ ಭಾಷೆ ಸ್ಥಾನ, ಮಂಕಿ ಬಂದರು, ಪ್ರವಾಸೋದ್ಯಮ ನೀತಿ - ಸುದ್ದಿ ಶೀರ್ಷಿಕೆಗಳಿಗೆ ಇವು ಸಾಕು. ಆದರೆ ಕರಾವಳಿಯ ಜನರ ಮೂರು ದಶಕದ ನೈಜ ಬೇಡಿಕೆಗಳ ಪಟ್ಟಿ ತೆಗೆದು ನೋಡಿದರೆ, ಸಂಪುಟ ತೆಗೆದುಕೊಂಡ ನಿರ್ಧಾರಗಳು ಸಮುದ್ರದಲ್ಲಿ ತೇಲುವ ಹೂವಿನ ಹಾರದಂತೆ ಕಾಣುತ್ತದೆ, ಬುಡದ ಗಾಯಕ್ಕೆ ಮದ್ದಾಗಿಲ್ಲ. ಮೊದಲನೆಯದಾಗಿ ಉದ್ಯೋಗ. ಕರಾವಳಿಯ ಯುವಕರು ಬೆಂಗಳೂರು, ಮುಂಬೈ, ಗಲ್ಫ್ ಗೆ ವಲಸೆ ಹೋಗುವುದು ಉದ್ಯೋಗ ಇಲ್ಲದ ಕಾರಣ. ದೇರೆಬೈಲ್ನಲ್ಲಿ 3.2 ಎಕರೆ ಜಾಗದಲ್ಲಿ ಐಟಿ ಪಾರ್ಕ್ ಬೇಡಿಕೆ ಹತ್ತು ವರ್ಷದಿಂದ ಇದೆ. ಸರ್ಕಾರ ಪ್ರವಾಸೋದ್ಯಮವನ್ನು ಮೂಲಸೌಕರ್ಯ ಎಂದು ಘೋಷಿಸಿ ಹೆಚ್ಚಿನ ಸಾಲ ಕೊಡುತ್ತದೆ, ಆದರೆ ಐಟಿ ಕಂಪನಿ ಬರಲು ಟೇಬಲ್ ಟಾಪ್ ಮೂಲಸೌಕರ್ಯ, ಇಂಟರ್ನೆಟ್, ಸಿಂಗಲ್ ವಿಂಡೋ ಅನುಮತಿ ಕೊಡುವ ಯೋಜನೆ ಸಂಪುಟದ ಪಟ್ಟಿಯಲ್ಲೇ ಇಲ್ಲ. ಪ್ರವಾಸೋದ್ಯಮದಿಂದ ಕೆಲವು ಹೋಟೆಲ್ಗಳಿಗೆ ಲಾಭ, ಐಟಿಯಿಂದ ಸಾವಿರಾರು ಮನೆಗಳಿಗೆ ಸಂಬಳ. ಎರಡನೆಯದು ನ್ಯಾಯ. ಕರಾವಳಿಯ ಜನರು ನ್ಯಾಯ ಅರಸಿ ಬೆಂಗಳೂರಿಗೆ 400 ಕಿ ಮೀ ಹೋಗಬೇಕು. ಧಾರವಾಡ, ಕಲಬುರಗಿಯಲ್ಲಿ ಹೈಕೋರ್ಟ್ ಪೀಠ ಇದೆ. ಮಂಗಳೂರಿನಲ್ಲಿ ಹೈಕೋರ್ಟ್ ಸಕ್ರ್ಯೂಟ್ ಪೀಠದ ಬೇಡಿಕೆಗೆ ವಕೀಲರ ಸಂಘ 20 ವರ್ಷದಿಂದ ಹೋರಾಡುತ್ತಿದೆ. ಈ ಬೇಡಿಕೆ ಸಂಪುಟದ ಅಜೆ...
