ತಟಸ್ಥಗೊಳಿಸಲಾಗದ ಕುಟುಂಬ - ಉತ್ತರಿಸದ ಪ್ರಶ್ನೆಗಳು ಹಲವು

 ಅಭಿಮತ

ಬಿವಿಸೀ

ಕೇಂದ್ರ ಸಚಿವ ಎಚ್ ಡಿ ಕುಮಾರಸ್ವಾಮಿ ಹೊಳೆನರಸಿಪುರದಲ್ಲಿ ಪ್ರಜ್ವಲ್ ಪ್ರಕರಣದ ನೆಪದಲ್ಲಿ ದೇವೇಗೌಡ ಕುಟುಂಬದ ಧ್ವನಿಯನ್ನು ಅಡಗಿಸಲು ಸಾಧ್ಯವಿಲ್ಲ ಎಂದು ಗುಡುಗಿದ್ದಾರೆ. ಆದರೆ ದೇವೇಗೌಡ ಕುಟುಂಬವನ್ನು ಯಾರೂ ಮೌನಗೊಳಿಸಲು ಯತ್ನಿಸುತ್ತಿಲ್ಲ. ಪ್ರಶ್ನಿಸಲಾಗುತ್ತಿದೆ. ಮತ್ತು ಅದಕ್ಕೆ 40 ವರ್ಷಗಳ ಇತಿಹಾಸವೇ ಸಾಕ್ಷಿ.

ಈ ಕುಟುಂಬ ಮಾಡುತ್ತಿರುವ ಅವಾಂತರಗಳು ಕಾನೂನು ಉಲ್ಲಂಘಟನೆ ಕೃತ್ಯಗಳಿಗೆ ಉತ್ತರವೇ ಇಲ್ಲ.

ಮೊಮ್ಮಗ ಪ್ರಜ್ವಲ್ ರೇವಣ್ಣ ಮಾಜಿ ಹಾಸನ ಸಂಸದ, ಇಂದು ಪರಪ್ಪನ ಅಗ್ರಹಾರ ಜೈಲಿನಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದಾನೆ. ತೋಟದ ಮನೆಯ ಮನೆಕೆಲಸದ ಮಹಿಳೆಯ ಮೇಲೆ ಅತ್ಯಾಚಾರ, ವಿಡಿಯೋ ಚಿತ್ರೀಕರಣದ ಆರೋಪ ಸಾಬೀತಾಗಿ ಶಿಕ್ಷೆಯಾಗಿದೆ. 2024ರ ಏಪ್ರಿಲ್‍ನಲ್ಲಿ ಚುನಾವಣೆಗೆ ಮೂರು ದಿನ ಮುನ್ನ ಹಾಸನದಾದ್ಯಂತ ಸಾವಿರಾರು ಪೆನ್ ಡ್ರೈವ್‍ಗಳಲ್ಲಿ 2,976 ಅಶ್ಲೀಲ ವಿಡಿಯೋಗಳು ಎಸೆಯಲ್ಪಟ್ಟವು. ಜೈಲಿನಲ್ಲೂ ಮೊಬೈಲ್, ಪೆನ್ ಡ್ರೈವ್ ಇಟ್ಟುಕೊಂಡಿದ್ದಕ್ಕಾಗಿ ಆಗಸ್ಟ್ 11ರಂದು ದಾಳಿ ನಡೆದಿತ್ತು - ಫೆÇೀನ್ ಗೆ 70 ಸಾವಿರ ರೂ, ಸಿಮ್‍ಗೆ 30 ಸಾವಿರ ರೂ ಕೊಟ್ಟು ಒಳಗೆ ತರಿಸಿಕೊಂಡಿದ್ದ ಎಂದು ಜೈಲು ಅಧಿಕಾರಿಗಳು ಹೇಳಿದ್ದಾರೆ. ಕುಮಾರಸ್ವಾಮಿ ಈಗ ಯಾರು ಫೆÇೀನ್ ಕೊಟ್ಟರು ಎಂದು ಪ್ರಶ್ನಿಸುತ್ತಾರೆ, ಆದರೆ ಈ ವ್ಯವಸ್ಥೆ ಎರಡು ವರ್ಷದಿಂದ ಹೇಗೆ ನಡೆಯಿತು ಎಂಬುದನ್ನು ಕೇಳುವುದಿಲ್ಲ.

ಮಗ ಎಚ್ ಡಿ ರೇವಣ್ಣ ಹೊಳೆನರಸಿಪುರ ಶಾಸಕ. ಅದೇ ಮನೆಕೆಲಸದ ಮಹಿಳೆಯ ಅಪಹರಣ ಮತ್ತು ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಆರೋಪಿ. ಹತ್ತು ದಿನ ಜೈಲುವಾಸ ಅನುಭವಿಸಿ ಜಾಮೀನಿನ ಮೇಲೆ ಹೊರಗಿದ್ದಾನೆ.

ಸೊಸೆ ಭವಾನಿ ರೇವಣ್ಣ ಈ ಕುಟುಂಬದ ದರ್ಪಕ್ಕೆ ಕನ್ನಡಿ.

ಎರಡು ಘಟನೆ ನೆನಪಿಸಿಕೊಳ್ಳಿ. ಒಂದು, 2023 ಡಿಸೆಂಬರ್ 3, ಸಾಲಿಗ್ರಾಮ-ರಾಂಪುರ ಜಂಕ್ಷನ್‍ನಲ್ಲಿ. ಭವಾನಿ ಪ್ರಯಾಣಿಸುತ್ತಿದ್ದ 1.5 ಕೋಟಿ ರೂ ಮೌಲ್ಯದ ಟೊಯೋಟಾ ವೆಲ್ ಫೈರ್ ಕಾರಿಗೆ ಬೈಕ್ ಸವಾರ ಶಿವಣ್ಣನ ಬೈಕ್ ತಾಗಿ ಬಿದ್ದಿತು. ಕೆಳಗಿಳಿದ ಭವಾನಿ ರಸ್ತೆ ಮಧ್ಯೆ ನಿಂತು ಹಿಗ್ಗಾಮುಗ್ಗಾ ಬೈದರು - `ಸಾಯೋಕೆ ನನ್ನ 1.5 ಕೋಟಿ ಕಾರೇ ಬೇಕಿತ್ತಾ, ಬಸ್‍ಗೆ ಸಿಕ್ಕಿ ಸಾಯಬೇಕಿತ್ತು, ಸುಟ್ಟು ಹಾಕ್ರೋ ಈ ಗಾಡಿನ, ರಿಪೇರಿಗೆ 50 ಲಕ್ಷ ರೂ ಯಾರು ಕೊಡ್ತಾg?'É ಎಂದು ಕೂಗಿದ ವಿಡಿಯೋ ಇಡೀ ರಾಜ್ಯದಲ್ಲಿ ವೈರಲ್ ಆಗಿ ದುಡ್ಡಿಗಿಂತ ಜೀವ ಮುಖ್ಯವಲ್ಲವೇ ಅಕ್ಕ ಎಂದು ಜನ ಆಕ್ರೋಶ ವ್ಯಕ್ತಪಡಿಸಿದರು. ಕೊನೆಗೆ ಪತಿ ರೇವಣ್ಣನೇ ಕ್ಷಮಿಸಿ ಎನ್ನಬೇಕಾಯಿತು.

ಎರಡನೆಯದು, ತಪ್ಪಿಸಿಕೊಳ್ಳುವಿಕೆ. ಅದೇ ಮನೆಕೆಲಸದ ಮಹಿಳೆಯನ್ನು ಅಪಹರಿಸಿ ದೂರು ಕೊಡದಂತೆ ತಡೆಯಲು ಪ್ರಯತ್ನಿಸಿದ ಆರೋಪದಲ್ಲಿ ಎಸ್‍ಐಟಿ ಭವಾನಿಗೆ ನೋಟಿಸ್ ಕೊಟ್ಟಾಗ, ಮನೆಯಲ್ಲಿ ಸಿಗಲಿಲ್ಲ. ಮೈಸೂರು, ಹಾಸನ, ಬೆಂಗಳೂರು, ಮಂಡ್ಯ, ರಾಮನಗರದಲ್ಲಿ ಹುಡುಕಾಟ. ಸಚಿವ ಪ್ರಿಯಾಂಕ್ ಖರ್ಗೆ ಭವಾನಿ ನಾಪತ್ತೆ, ತಲೆಮರೆಸಿಕೊಂಡಿದ್ದಾರೆ ಎಂದರು. ವಿಶೇಷ ನ್ಯಾಯಾಲಯ ಜಾಮೀನು ಅರ್ಜಿ ತಿರಸ್ಕರಿಸಿತು, ನಂತರ ಹೈಕೋರ್ಟ್ ಮಧ್ಯಂತರ ನಿರೀಕ್ಷಣಾ ಜಾಮೀನು ಕೊಟ್ಟು ಹಾಸನ-ಕೆ ಆರ್ ನಗರಕ್ಕೆ ಕಾಲಿಡಬೇಡಿ ಎಂದು ಷರತ್ತು ಹಾಕಿತು. ಎಸ್‍ಐಟಿಯ 85 ಪ್ರಶ್ನೆಗಳಿಗೆ ಉತ್ತರಿಸಿದ್ದರಿಂದ ಜಾಮೀನು ಉಳಿಯಿತು, ಆದರೆ ಆಕೆ ಮಾಸ್ಟರ್ ಮೈಂಡ್ ಎಂದು ಎಸ್‍ಐಟಿ ಕೋರ್ಟ್‍ಗೆ ಹೇಳಿತ್ತು.

ಕುಮಾರಸ್ವಾಮಿ ಬಿಡದಿ-ನೈಸ್ ಡಿನೋಟಿಫಿಕೇಶನ್, ಗಣಿ ಗುತ್ತಿಗೆ, ಆದಾಯ ಮೀರಿ ಆಸ್ತಿ ಪ್ರಕರಣಗಳು ಲೋಕಾಯುಕ್ತದಲ್ಲಿ. ಪ್ರಶ್ನೆ ಎದ್ದಾಗಲೆಲ್ಲ ಗೌಡರ ಕುಟುಂಬವನ್ನು ಮುಗಿಸಲು ಹೊರಟಿದ್ದಾರೆ ಎಂಬ ಹಳೆಯ ರಾಗ.

92 ವರ್ಷದ ದೇವೇಗೌಡರು ತನ್ನ ಕುಟುಂಬದವರು ತಪ್ಪಿತಸ್ಥನಾದರೆ ಕ್ರಮವಾಗಲಿ ಎಂಬ ಮಾತು ಎಲ್ಲರಿಗೂ ಅನ್ವಯ. ಮೌನ ಮಾಡುವ ಪ್ರಶ್ನೆಯಲ್ಲ, ಹೊಣೆಗಾರಿಕೆ ಕೇಳುವ ಪ್ರಶ್ನೆ. ಅಜೇಯತೆ ಎಂದರೆ ನಿರಪರಾಧವಲ್ಲ.